ئامانجی سۆپرایزه‌ك هه‌یه
ئاكرێ، ره‌مه‌زان زه‌كه‌ریا:
سترانبێژ ئامانج ره‌واندزی، د دیداره‌كێ دا بۆ رۆژناما ئه‌ڤرۆ گۆت: پشتی ده‌مه‌كی ژ بێده‌نگیێ ژبه‌ر ڤێ ره‌وشا كو دروستبووی ل كوردستانێ من به‌رده‌وام كاركریه، دو ستران من به‌رهه‌ڤكرینه ل ده‌مه‌كێ نێزیك دێ به‌لاڤكه‌م.
ناڤهاتی گۆت: ئه‌و دو سترانێن نوكه ل به‌ر ده‌ستێ من بۆ به‌لاڤكرنێ ئێك كرمانجی و یا دویێ سۆرانی یه ب تنێ كارێ كلیپ كرنێ مایه بۆ بهێته‌كرن، سترانا كرمانجی فۆلكۆره، ئالان سابر كارێ مۆزێكی بۆ كریه و ره‌یان شێلازدی كارێ ده‌رهێنانێ بۆ كریه، سترانا دویێ نوكه ل ستۆدیۆیێ یه ل قوناغا دووماهێ یه به‌لێ حه‌ز دكه‌م ئه‌و سوپرایز بیت، بۆ زانین هه‌تا نوكه من ده‌هـ تراكێن سترانان هه‌نه و هه‌شت كلیپ ژی به‌لاڤبووینه، ئه‌گه‌رێ سه‌ره‌كیێ بێده‌نگیا من ل ده‌مێ بۆری هونه‌ر كارێ منێ دویێ یه، كارێ من یێ ئێكێ ئه‌ز نوكه فه‌رمانبه‌رم ل سه‌رۆكاتیا په‌رله‌مانێ كوردستانێ له‌ورا نه‌شیامه وه‌ك پێدڤی به‌رهه‌مان تۆماربكه‌م، پتر ب كارێ خوه‌یێ فه‌رمانبه‌ریێ ڤه هاتیمه گرێدان به‌لێ هه‌ر ل گه‌ل هونه‌ری و سترانان ژیامه.
