ئامه‌د سپور وانه‌یه‌ك پێشكێشى گه‌لاته‌سراى كر
ئه‌ڤرۆ نیوز، هه‌ژار مه‌عروف
د چارچوڤێ یاریێن گه‌را چارێ ژ كوپا توركیا یا ته‌پا پێ د یاریا خوه یا ئه‌ڤ شه‌ڤه دا تیما ته‌پا پێ یا ئامه‌د سپور شیا حنێره‌كا مه‌زن د ڤێ قاره‌مانیێ دا توماربكه‌ت ده‌مێ ب سه‌ركه‌فتى لسه‌ر به‌رنیاسترین یانا لسه‌ر ئاستێ توركیا ئه‌وژى گه‌لاته‌سراى ب دو گولان بێ به‌رامبه‌ر ل یاریگه‌ها وێ ل باژێرێ ئیسته‌نبول.
دڤێ یاریێ دا ل نیڤا ئێكێ تیما ئامه‌د ل ده‌قیقا حه‌فتێ پێشكه‌ڤت بۆ ب گولا یاریكه‌رێ خوه ئه‌رجان جه‌بار ، ل نیڤا دوێ دا تیما گه‌لاته‌سراى ئه‌وا ب هه‌موو ستێرێن خوه یارى كر گه‌له‌ك بزاڤكرن لێ، هه‌موو بزاڤێن وان بێ مفابوون به‌رامبه‌ر هێلا به‌ره‌ڤانیا ئامه‌د سپور لێ یاریكه‌ر یوسف یه‌كمور هه‌موو ئومێدێن گه‌لاته‌سراى كوشتن ده‌مێ ل دقیقا 92 شیا گولا دوێ و سه‌ركه‌فتنێ بوو تیما خوه ئامه‌د سپورێ توماربكه‌ت و تیما خوه به‌ره‌ڤ ئێكه‌م سه‌ركه‌فتن بر د كوپا توركیا دا و خالێن گه‌هاندنه چار خالان.
هه‌ژى گوتنێ یه تیما گه‌لاته‌سراى ب یاریكه‌رێن خوه یێن پێگوهور ل یاریگه‌ها ئامه‌د سه‌ركه‌فتن لسه‌ر ئامه‌د توماركر بۆ ب چار گولان به‌رامبه‌ر گوله‌كێ و دڤێ یاریێ دا شیا سه‌ركه‌فتنێ ل سه‌ر گه‌لاته‌سراى توماربكه‌ت ب هه‌موو ستێرێن وێ ل یاریگه‌ها وێ.
