ئامیره‌كێ تیشكا په‌نجه‌شێرێ ل دهۆكێ دێ هێته دانان
دهۆك، له‌زگین جوقی:
جێگرێ رێڤه‌به‌رێ سه‌نته‌رێ ئازادی یێ چاره‌سه‌ركرنا په‌نجه‌شێرێ و نه‌خۆشیێن خوینێ ل دهۆكێ دیار كر، ب مه‌ره‌ما ده‌ستنیشانكرنا نه‌خوشیا په‌نجه‌شێرێ، ئامیره‌كێ تیشكا په‌نجه‌شێرێ ل پارێزگه‌ها دهۆكێ دێ هێته دانان و دبێژیت: ئێدی پێدڤی ناكه‌ت نه‌خوشێن پارێزگه‌ها دهۆكێ قه‌ستا پارێزگه‌هێن دی بكه‌ن، بۆ ده‌ستنیشانكرنا نه‌خوشیێ.
د. چه‌كدار ئه‌حمه‌د، جێگرێ رێڤه‌به‌رێ سه‌نته‌رێ ئازادی یێ چاره‌سه‌ركرنا په‌نجه‌شێرێ و نه‌خۆشیێن خوینێ ل دهۆكێ گۆت: “بۆ جارا ئێكێ ئامیره‌كێ تیشكا په‌نجه‌شێرێ دێ گه‌هیته پارێزگه‌ها دهۆكێ و هێته دانان، ئه‌و ئامیره گه‌له‌كێ پێشكه‌فتی یه و ئێدی ل پارێزگه‌ها دهۆكێ نه‌خۆشیێن په‌نجه‌شێرێ، نه‌خۆشیێن دلی، نه‌خۆشیێن هه‌ودانێن دلی یێن نه‌ئاشكرا ب رێیا ڤی ئامیرێ نوو دێ هێنه ده‌ستنیشانكرن”.
ناڤهاتی ئاشكرا ژی كر كو لژنه‌ك ل ساخله‌میا پارێزگه‌ها دهۆكێ بۆ ڤه‌كۆلین و ده‌ستنیشانكرنا جهێ دانانا وی ئامیرێ تیشكا په‌نجه‌شێرێ هاتیه پێكئینان و گۆت: “هه‌كه چو ئاریشه په‌یدا نه‌بن، ئه‌ڤ ئامیره، د ئه‌ڤ ساله دا بۆ خزمه‌تكرنا وه‌لاتیان دێ گه‌هیته پارێزگه‌ها دهۆكێ”.
د. چه‌كدارئه‌حمه‌د گۆتژی: “ئه‌ڤ ئامیرێ تیشكا په‌نجه‌شێرێ ب تنێ دێ پشكنینان ئه‌نجام ده‌ت و بۆ چاره‌سه‌ركرنێ بكار ناهێت، ئانكو ب تنێ دێ نه‌خۆشیا په‌نجه‌شێرێ ده‌ستنیشان كه‌ت”.
