ئامیرێن نەخۆشیا چاڤان بۆ نەخوشخانا بلێ ھاتنە دابینکرن
ئەڤرۆ نیوز ، نەوزاد ھلۆری:
ب مەرەما زێدەتر خزمەتکرنا نەخۆش و خەلکێ دەڤەرێ ، چەند ئامیرەکێن نەخۆشیا چاڤان بۆ نەخۆشخانا گشتی یا بلێ ل دەڤەرا بارزان ھاتنە دابینکرن.
دڤی واریدا ” دکتور ھەوار عەبدوللا ” رێڤەبەرێ نەخۆشخانا گشتی یا بلێ ل دەڤەرا بارزان بۆ ئەڤرۆ نیوز گۆت: (ب مەرەما زێدەتر خزمەتکرنا نەخۆش و کەرتێ ساخلەمیێ و وەلاتیێن دەڤەرێ ، چەند ئامیرەکێن نەخۆشیا چاڤان ب تایبەتی پشکنینا چاڤان ھاتنە دابینکرن ، و دیسان پشکا راوێژکاریا چاڤان ژی ھاتەڤەکرن )
زێدەتر گۆت: (ماوەیێ سالەکێ یە نەخۆشخانا گشتی یا بلێ ھاتیە ڤەکرن و گەلەک ژ ئامیر و پێدڤیێن نەخۆشخانێ ماینە کو بھێنە دابینکرن ، بەلێ ژ بەر قەیرانا دارایی دابینکرنا وان ھاتیە پاشئێخستن و گیروکرن ، بەلێ ب ھەول و بزاڤێن بەردەوامێن مە جار جار وەزارەتا سخلەمیێ و جھێن پەیوەندیدار ھندەک پێدڤی و ئامیران بو نەخۆشخانا گشتی یا بلێ دابین دکەن ژ بەرکو دەڤەرا بارزان دەڤەرەک دویرە دەستە و کێمترین خزمەت بو دھێنە دابینکرن و وەلاتیێن وێ زور ب زەحمەت دگەھنە سەنتەرێ پارێزگەھان )
