ئاهه‌نگا سه‌رێ سالێ دێ ل چه‌ند جهێن دهۆكێ هێته گێران؟
ئه‌ڤرۆ، هه‌رهین محه‌مه‌د:
ئه‌ڤین حسێن، سه‌رۆكا سه‌ندیكا هونه‌رمه‌ندێن كوردستانێ لقێ دهۆكێ د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ گۆت: ئێك ژ كارێن مه بۆ ئاهه‌نگا سه‌رێ سالا 2022 دێ ئاهه‌نگه‌كێ ل مالا دانعه‌مران دانین و دیسان بۆ پتر رێكخستنا كاری بۆ وێ چه‌ندێ ئه‌ندامێن مه پتر د ڤێ شه‌ڤێ دا كاربكه‌ن لژنێن مه دێ گه‌ڕیێن و ئێك ژ خالێن مه وه‌كو سه‌ندیكا كو پتری 50% خه‌لكێ دهۆكێ دڤان ئاهه‌نگان دا پشكداربن ب تایبه‌ت ئه‌ندامێن سه‌ندیكایێ و نوكه ژی گه‌له‌ك جه یێ داخوازدكه‌ن كو هونه‌رمه‌ندێن دهۆكێ بۆ شه‌ڤا سه‌رێ سالێ مهڤانێن وان بن، به‌لێ هه‌تا نوكه پتریا وان ژ لایێ وان جهێن كو دێ ئاهه‌نگ لێ هێنه گێڕان هاتینه ده‌ستنیشانكرن و گرێبه‌ستێن خوه ئیمزاكرینه و ب ڤێ چه‌ندێ ژی ده‌لیڤێن باش یێن كاری بۆ ئه‌ندامێن مه په‌یدا دبن، د سالێ دا بتنێ دو هه‌لكه‌فت مه هه‌نه هونه‌رمه‌ندێن مه مفادار بن ئێك ژوان ئاهه‌نگا سه‌رێ سالێ و یا دوێ یا ئه‌ڤیندارا یه و بۆ مه جهێ دلخوه‌شیێ یه هونه‌رمه‌ندێن مه رۆله‌كێ باش دڤان جوره ئاهه‌نگان دا دبینن.
ناڤهاتیێ ئه‌و چه‌نده ژی گۆت: سترانبێژ و مۆزیكژه‌نێن مه هه‌موویان به‌رهه‌ڤیا خوه كریه بۆ ڤێ رۆژێ و هنده‌ك ژوان دڤێ شه‌ڤێ دا دێ ل سێ چار ئاهه‌نگان پشكداریێ كه‌ن و دبینم ئه‌ڤه تشته‌كێ باشه داهاته‌كێ باش بۆ ئه‌ندامێن مه و گشت هونه‌رمه‌ندان بهێت و ڤی كاری دكه‌ین نه‌بتنێ بۆ بده‌ستڤه ئینانا داهاته‌كی یا گرنگ ئه‌و ستران و كه‌لتۆرێ ده‌ڤه‌را به‌هدینان بهێته گۆتن ل هه‌موو جهان و خه‌لكێ مه خوه‌شێ پێ ببه‌ت نه‌كو خه‌لكه‌كێ بیانی بهێت و بتنێ هه‌ر ئه‌و بن و سترانا مه یا كوردی لاواز بیت، به‌لێ هه‌تا كو سترانبێژن بیانی ژی دهێنه دهۆكێ یێن سترانێن ده‌ڤه‌را به‌هدینان دبێژن، به‌لێ ب شێوازه‌كێ نه‌یێ دروست دبیت زمان نه‌یێ وان بیت.
سه‌رۆكا سه‌ندیكا هونه‌رمه‌ندێن كوردستانێ لقێ دهۆكی گۆت ژی: هه‌تا نوكه ب دروستی ده‌ست نیشان نه‌بووینه كا دێ ئاهه‌نگا سه‌رێ سالێ ل چه‌ند جهان هێته گێران لێ ئه‌و جهێن هاتینه گرتن پتری پازده جه هاتینه ده‌ستنیشانكرن كو ئاهه‌نگ لێ بهێته‌كرن، به‌لێ پتریا جهان هاتینه گرتن وه‌كو كافی و هولێن ده‌واتان و هێشتا ده‌رفه‌ت یا مای و سالا بوری ل رۆژا سه‌رێ سالێ هنده‌ك كه‌س دهاتن موله‌تا خوه چێدكر بۆ گێرانا ئاهه‌نگا سه‌رێ سالێ.
