ئاهەنگا بانگەشەیا لیستا 275 ل زاخۆ هاتە گێڕان
زاخۆ، دلۆڤان هالۆ:
ب ئامادەبوونا عومەر ئۆرەی، بەرپرسێ لقێ هەشت یێ پارتی ل زاخۆ و گوهدار شێخۆ، سەرپەرشتێ ئیدارا سەربخوە یا زاخۆ، دكتۆر دیار عەبدولكەریم هالۆ، سەرۆكێ زانكۆیا زاخۆ، دوهی 14/10/2025 ل هۆلا بارەگایێ لقێ هەشت یێ پارتی ئاهەنگا بانگەشەیا لیستا 275 یا پارتی دیموكراتی كوردستان و دانەنیاسینا هەر چار بەربژارێن وێ هاتە گێڕان، ئەندام و كادر و جەماوەر و لایەنگرێن زۆر یێن پارتی دیموكراتی كوردستان د ڤێ ئاهەنگێ دا بەرهەڤ ببوون و پشتەڤانیا خوە بۆ لیستا 275 یا پارتی و بەربژارێن سنۆرێ لقێ هەشت یێ پارتی بۆ هەلبژارتنێن پەرلەمانێ ئیراقێ دیاركرن.
د ڤێ ئاهەنگێ دا هەر چار بەربژارێن لیستا 275 یا پارتی دیموكراتی كوردستان جۆتیار خدر سندی هەژمارە 11، د. شێرزاد زەكەریا سلێڤانەی هەژمارە 16، حەبیب حاجی گولی هەژمارە 12، ئاڤان قەدری حەیران زاخۆیی هەژمارە 2، بۆ بانگەشا هەلبژارتنێن پەرلەمانێ ئیراقێ ب دەست قوتانێن بەرهەڤبوویان هاتنە سەر دەپێ شانوویێ.
پاشی عومەر ئۆرەی، بەرپرسێ لقێ هەشت یێ پارتی پەیڤەك پێشكێشكر و تێدا بەحس ل پشتەڤانیكرنا لیستا 275 یا پارتی دیموكراتی كوردستان و دەستپێكرنا بانگەشەیا هەلبژارتنان ل زاخۆ كر.
