ئاهەنگا دەرچوونا قوتابیێن زانكۆیا زاخۆ گەڕا 14 هاتە گێڕان
زاخۆ، دلۆڤان هالۆ:
دكتۆر ڕەمەزان جەعفەر، هاریكارێ سەرۆكێ زانكۆیا زاخۆ بۆ كاروبارێن قوتابیان بۆ ڕۆژناما ئەڤرۆ دیار كر كو دوهی 3/5/2025 ل یاریگەها دەلال یا وەرزشی، ل ژێر چاڤدێریا دكتۆر دیار عەبدولكەریم هالۆ، سەرۆكێ زانكۆیا زاخۆ و ب ئامادەبوونا گوهدار شێخۆ، سەرپەرشتێ ئیدارەیا سەربخوە یا زاخۆ، ئاهەنگا گەڕا 14 یا دەرچوونا قوتابیێن زانكۆیا زاخۆ بۆ سالا خواندنێ 2023 – 2024 هاتە گێڕان.
هاریكارێ سەرۆكێ زانكۆیا زاخۆ بۆ كاروبارێن قوتابیان ئاماژە ب وێ چەندێ ژی كر كو د ڤێ گەڕێ دا دو هزار و 104 قوتابیان ب بسپۆریێن جۆراوجۆر باوەرناما دەرچوونێ وەرگرت.
