ئاهەنگا دەرچوونا گەڕا 13 یا زانكۆیا زاخۆ هاتە گێڕان
زاخۆ، دلۆڤان هالۆ:
دكتۆر ڕەمەزان جەعفەر، هاریكارێ سەرۆكێ زانكۆیا زاخۆ بۆ كاروبارێن قوتابیان و ڕێكخەرێ ئاهەنگا دەرچوونا قۆتابیێن زانكۆیا زاخۆ بۆ ڕۆژناما ئەڤرۆ دیار كر، ل ژێر چاڤدێریا وەزیرێ خواندنا بلند و ڤەكۆلینێن زانستی دكتۆر ئارام محەمەد قادر و ب درووشمێ (خۆڕاگری و بەردەوامی د هەمی ڕەوشان دا بەرهەمێن زانستی یێن دلخۆشكەر هەنە)، ل ڕۆژا 10/6/2024 ئاهەنگا دەرچوونا گەڕا 13 یا قۆتابیێن زانكۆیا زاخۆ بۆ سالا خواندنێ 2022 بۆ 2023 هاتە گێڕان.
هاریكارێ سەرۆكێ زانكۆیا زاخۆ بۆ كاروبارێن قۆتابیان گۆت: «پشتی چار سالێن ماندیبوون و خواندنێ د گەڕا 13 دا هزار و 812 قۆتابی ژ حەفت كۆلیژان و 27 بسپۆریان دەرچوون و باوەرناما بەكالۆریۆسێ وەرگرتن، بۆ خزمەتكرنا گەل و وەلاتی هاتنە ئاراستەكرن».
