ئاواره بوونێ ئه‌و كریه سترانبێژ
خانكێ، دلڤین ره‌شید:
حسێن سیدۆ حه‌سه‌ن، گه‌نجه‌كێ گۆندی َسۆلاغه‌یه سه‌ر ب قه‌زاشنگالێ ڤه، ده‌مه‌كه ده‌ست ب سترانگۆتنێ كری و سترانه‌ك ژی ئاماده‌كریه، لێ هێشتا به‌لاڤ نه‌كریه و ئه‌و دبێژیت ئاواره بوونێ ئه‌ز كریمه سترانبێژ.
زێده‌تر گۆت: ئه‌ز ده‌رچۆیێ كولیژا په‌رستیاری مه،پشتی ئاوا ره‌بوونێ من ده‌ست ب سترانگۆتنێ كریه و پشته‌ڤانێن من یێن سه‌ره‌كی مالبات و هه‌ڤالێن من بوون، ب تایبه‌ت ژی بابێ من چنكو ئه‌و ب خوه ژی هونه‌رمه‌نده و ڤێ چه‌ندی كارتێكرن ل من كر كو ئه‌ز ژی به‌ر ب واری َهونه‌ری ڤه بچم چونكو ب رێیا سترانگۆتنێ ئه‌ز ئێش و ئازارێن خوه یێن ئاوه‌ره‌بوونێ كێم دكه‌م و ژبلی سترانان ئه‌ز ئامیری ته‌مبۆرێ ژی دژه‌نم و ئاهه‌نگ و روونشتنان سترانێن (هۆزان دینۆ) دبێژم و هنده‌ك جاران ژی ل سۆشیال میدیایێ به‌لاڤ دكه‌م، بۆ زانین من سترانه‌ك ب ناڤێ (شرینا من) ئاماده‌كری یه، كو ژ په‌یڤ و ئاوازێن منن، لێ هێشتا من به‌لاڤ نه‌كریه هه‌تا رۆژا وێ دهێت و هیڤیا من ئه‌وه ل دووف شیانێن خوه خزمه‌تا ستران و مۆزیكا كوردی بكه‌م.
