ئاوازێن هونه‌رمه‌ند «بلند ئیبراهیم»ی ل گه‌ل په‌یڤێن من بۆ سترانێ د گونجاینە
هه‌رهین محه‌مه‌د:
هه‌لبه‌ستڤان غه‌ریب قادر، د دیداره‌كێ دا بۆ به‌رپه‌رێ هونه‌ری یێ رۆژنامه‌یا ئه‌ڤرۆ گۆت: پتریا سترانبێژان هوازێن ئه‌ڤینی داخواز دكه‌ن و هزردكه‌ن ژ بۆ ئه‌ڤی سه‌ر ده‌می یا گونجایه و پتر حه‌زژێكه‌ر یێ هه‌ی و چ ده‌م و جهێن تایبه‌ت نین ئیلهاما هوزانێ بۆ هوزانڤانی بهێت تایبه‌ت دئه‌ڤی سه‌رده‌می دا هه‌رده‌مێ بابه‌ته‌كێ هوزانێ، یان په‌یڤێن جوان هاتنه هزرا من ئێكسه‌ر دشێم د موبایلێ دا تۆماركه‌م و هه‌تا پێنوس و كاغه‌ز بكه‌ڤنه به‌رده‌ستێ من و ڤه‌دگوهێزم و راستڤه بكه‌م و نه لبیرا منه كو ئێك ژ هوزان، یان پارچه هوزانه‌ك من ژناڤبربیت وهاڤێت بیت و نوكه ژی هنده‌ك پارچه هوزان لنك من ماینه پتری به‌ری پازده سالان و من لبه‌ره راستڤه‌كه‌م و ته‌مام بكه‌م زێده‌تر گۆت: ژبه‌ركو تایبه‌تمه‌ندیا من هوزانا سترانێ یه ده‌لیڤه بۆ من په‌یدانه‌بوویه په‌رتوكه‌مێ ب وه‌شینم، به‌لێ ئه‌ز هێدی هێدی یێ ل سه‌ر هنده‌ك هه‌لبه‌ستێن جوره‌و جوركاردكه‌م كو بشێم په‌رتوكا خوه یا دووێ چاپ بكه‌م
ناڤهاتی لدور نوترین كارێن خوه یێن هونه‌ری دیاركرژی نوكه ئه‌و ل گه‌ل سترابێژێ گه‌نج (سنور یاسا)مژوولی چه‌ند سترانێن جورا و جوره كوپ تر ژ ده‌ه سترانان كو ئێك ل دووڤ ئێكی بهێنه پارڤه‌كرن و پتریا ئه‌وان سترانان ژی كلیپن.
گۆتژی: ده‌مێ ئه‌ز هوزانێ دنڤیسم هزر دكه‌م ل دووڤ سه‌رده‌مێ نوكه په‌یڤ و بابه‌تا دارێژم ، به‌لێ هه‌كه هونه‌رمه‌نده‌ك ژمن داخواز بكه‌ت ئه‌ز ل دووڤ داخوازا وی دنڤیسم، ژبه‌ركو ئه‌و داخوازا بابه‌ته‌كێ تایبه‌ت دكه‌ت و پتر خوه دبابه‌تێن مرۆڤایه‌تی دادبینم و ئه‌وان بابه‌تان گه‌له‌ك حه‌زژێدكه‌م، چونكو ئه‌و خالا سه‌ره‌كی نه بۆ هه‌موو بابه‌تان و ژیان ب مرۆڤایه‌تیێ جوانه و ده‌ستهه‌لاته گۆت: وه‌كو یا دیار ئه‌و كارێن هونه‌ری یێن من ل گه‌ل هونه‌رمه‌ند بلند ئیبراهیمی ئه‌نجام داین سه‌ربور هه‌بوون و پتریا ئه‌وان سترانان گه‌له‌ك جوان و رێك و پێك هاتبوونه توماركرن و هه‌ردیسان ئاوازێن بلندی ل گه‌ل په‌یڤێن من گه‌له‌ك دگونجای بون بونمونه سترانا وه‌غه‌راته بوكیڤه‌یه، خونازداركه و ئه‌و چ كچكه.
غه‌ریبی ل دووماهیێ ژی گۆت: ل ناڤ هه‌موو ملله‌ت و وه‌لاتان نڤیسه‌رو هوزانڤان حه‌زژ كارێن ئێك و دوو دكه‌ن و ب مخابنی ڤه ل وه‌لاتێ مه ئه‌و دیارده یا هه‌ی نه‌چاڤباریێ ب ئێك و دوو دبه‌ن و هه‌ڤركێن ئێك و ژبه‌ر ئه‌ڤێ چه‌ندێ كارێن لاواز ژی دهێنه به‌لاڤكرن و دبیت ئه‌و كارێن لاواز كارتێكرنێ ل حه‌زژێكه‌رێن هونه‌ری ژی بكه‌ن و ئاستێ نڤیسین و خواندنێ ژی كێم بكه‌ت.
