ئاوازێن ژڤانەکێ
نوژدار ئەیوب
هەلما گەرماتیا حەزان
د هناڤێن شەڤەکا زستانی دا
د بوونە عەور و باران
و ژڤانەک بۆ وێ
د هەمبێزا من دا
دروست دکر
دەمێ بەرەف من ڤە هاتی
دەنگێ تبلێن پیێن وێ
وەکی رێشێن پیانویێ
ل سەر ئەردێ شل
ئاوازێن مەست
دگەل چپکێن
بارانێ دژەنین
دەستێن وێ ل سەر
کێلەکێن من دلەرزیت
تبلێن من دناڤ پرچا وێ دا
سەما دکر
هێدی سەرێ خو بلد کر
گرنژینەکا شەرمین
ل سەر لێڤێن وێ
مینا کولیلکان
د بشکڤی
داخازا ماچەکا
بوهاری ژ من کر
هەتا عەور و باران
ژ شەرما یاریێن مە
ڤەرەڤین
