ئايفۆنا نوو ئه‌ڤ ساله ده‌رناكه‌ڤيت
ب گۆره‌يى راپۆرته‌كا نوو يا مالپه‌رێ ETNews يێ كورى، كۆمپانيا ئه‌پل دێ پێنگاڤه‌كا نوو و ژ نشكه‌كێ ڤه هاڤێژيت و مۆبايلا خوه يا نوو ئايفۆن 18 د ئه‌ڤ ساله دا نائێخيته بازارى هه‌تا سالا بهێت.
ژێده‌ر وه‌سان دده‌ته دياركرن كو ئه‌وان دڤێت تشته‌كێ نوو بكه‌ن و ل گه‌ل مۆبايله‌كا بهايێ وێ كێمتر پێكڤه بێخنه د بازارى دا.
هه‌ر ب گۆره‌يى راپۆرتێن ده‌نگوباسان كو ژ وان كه‌سان هاتيه ڤه‌گوهاستن يێن كار ل سه‌ر چێكرنا ئايفۆنان دكه‌ن و كه‌رستان دابين دكه‌ن دده‌نه دياركرن كو كۆمپانيا ئه‌پل نوونه‌رێن خوه ئاگه‌هدار كرينه كو ل سالا 2025ێ ئايفۆن 18 ناكه‌ڤيته بازارى و دبيت ل سالا بهێت 2026 ل گه‌ل مۆبايلا وان ئايفۆن iPhone 18e بهێته به‌لاڤكرن.
ئه‌و ئايفۆنێن نوو دێ چ بن يێن بڕياره ل 2026ێ ب ده‌ركه‌ڤن؟ هه‌كه هات و ئه‌ڤ بڕياره هاته په‌سه‌ندكرن، كۆمپانيا ئه‌پل دێ مۆبايلێن خوه يێن ژ جورێ ئايفۆن 18 ئاير و ئايفۆن 18 پرۆ و ئايفۆن 18 پرۆ ماكس ل گه‌ل مۆبايلا خوه يا دهێته چه‌ماندن كو ماوه‌كێ درێژه هه‌موو چاڤه‌رێ ئێخيته بازارى. دبيت ئه‌ڤ راپۆرته يا ژيوارى ژى بيت ب تايبه‌ت هه‌كه كۆمپانيا ناڤبرى گرنگيێ بده‌ته تشتێ سه‌ره‌كى ل سه‌ر تشتێ گه‌له‌ك تايبه‌ت. ئه‌ڤه دێ بيته جارا ئێكێ د مێژوويا دروستبوونا ئايفۆنێ دا، گوهۆڕين ل سه‌ر سالا رێكه‌فتنا به‌لاڤكرنا مۆبايلێ دا بهێته كرن.
هه‌كه وه‌سان روودا هه‌ر وه‌كو ETNews دايه دياركرن، دێ مه دو ژڤانێن راگه‌هاندنا ئايفۆنان هه‌بن. دانه‌يێن بژاره دێ ل ئيلۆنێ هێنه به‌لاڤكرن هه‌ر وه‌كو سالانه ئه‌و روودان روو دده‌ت، دانه‌يێن ژ جورێ سه‌ره‌كى و ناڤه‌ندى ژى دێ ل هه‌يڤا ئادارێ هێنه راگه‌هاندن.
ديتنا تله‌فۆنێن ئايفۆنێ ل ئادارێ نه تشته‌كێ نوويه؛ ب چو ره‌نگان ژ بير ناكه‌ين يا ل سالێن بورى روودايى ل گه‌ل iPhone SE دبيت ئه‌ڤه يا حه‌كيمانه‌يه. به‌لگه‌يێ ئێكانه ئه‌وه كو ئه‌و سه‌ره‌ده‌ريا ل گه‌ل دانه‌يا كه‌ڤن هاتيه كرن كو نه‌مايه د هه‌بوونێ دا كو پيتا (E). به‌لێ بابه‌ت ل ڤێره ئه‌وه كا دێ كۆمپانيا ئه‌پل ئه‌و وێره‌كى هه‌بيت كاره‌كێ ژ ڤى ره‌نگى بكه‌ت. بڕيارا دووماهيێ ژى هه‌ر دێ بۆ كۆمپانيا ناڤبرى مينيت.
