ئاژانسا ئەتۆمی هۆشداریێ ددەتە ئیرانێ
سەرۆکێ ئاژانسا جیهانی یا ئەتۆمی دیار کر، چاڤدێرێن ئاژانسا وان نها ل ئیرانێ نە، لێ مخابن هەتا نها ژی بەرپرسێن ئیرانێ رێ نەداینە کو چاڤدێرێن ئاژانسا ئەتۆمی سەرەدانا ناڤەندێن ئەتۆمی یێن ئیرانێ بکەن، ب تایبەتی ژی ناڤەندێن نەتەنز و فۆردۆ، چونکی دڤێت ئاژانسا ئەتۆمی چاڤدێریا هەموو چالاکیێن ئەتۆمی یێن ئیرانێ بکەت و هەکە ئیران رێ نەدەت وی دەمی دێ رەوش ئالۆز بیت و نها فشارەک مەزن ژی ل سەر ئیرانێ هەیە کو نابیت جارەکا دی دەست ب چالاکیێن ئەتۆمی ل وان ناڤەندان بکەت.
رافائیل گرۆسی ئەو یەک ژی دیار کر، هەتا نها ژی ئیرانێ رێ نەدایە مە دا وەکو ئاژانسا ئەتۆمی ئەم بزانین کا چەند زیان گەهشتینە وان ناڤەندان، لێ هر چاوا بیت دڤێت ئیران جارەکا دی دەست ب چالاکیێن ئەتۆمی نەکەت و هەر بزاڤەکا ئیرانێ ژی دڤێت ل ژێر چاڤدێریێ دا بیت و بەرۆڤاژی ڤێ یەکێ دبیت جارەکا دی ئالۆزیێن نوو روو بدەن.
