ئاژانسەكا نووچەیان ل زاخۆ هاتە ڤەكرن
زاخۆ، دلۆڤان هالۆ:
د ڕێوڕەسمەكێ تایبەت دا ل ئیدارەیا سەربخوە یا زاخۆ، ئاژانسا نووچەیێن دەلال میدیا هاتە ڤەكرن.
دكتۆر عادل خێركی، بەرپرسێ ناڤەندا زاخۆ یا ڕەوشەنبیری و راگەهاندنێ بۆ رۆژناما ئەڤرۆ گۆت: «مە ب شێوەیەكێ فەرمی ئاژانسا نووچەیێن دەلال میدیا ل زاخۆ ڤەكر، ئەڤ ئاژانسە دێ بینە گەهینەر و دەنگ و ڕەنگێ خەلكێ خوە د پێدانا زانیاریێن باوەرپێكری دا».
گۆتژی: «پێشتر ڤالاهیەك د راگەهاندنا ئیدارەیا سەربخوە یا زاخۆ دا هەبوو، ب تایبەت ڕاگەهاندنا ئەلكترۆنی، لێ ئەم وەكو ناڤەندا زاخۆ شیاین وەڕارەكا باش د بیاڤێ ڕاگەهاندنا ئەلكترۆنی دا بكەین و ئاژانسەكا تایبەت یا نووچەیان ڤەكەین».
