ئاڤان تەحسین: نەبوونا هۆلێن تایبەت كارتێكرن ل سەر یاریزانان كرییە
شاهۆ فەرید:
د داخویانیەكێ دا یاریزانێ خودان شیان یێ یارییا بلیاردێ ئاڤان تەحسین بۆ رۆژنامەیا ئەڤرۆ دیاركر: من پشكداری چەندین قارەمانیێن جودا كرینە ل سەر ئاستێ پارێزگەهێ و كوردستانێ و ئیراقێ، لێ چەند ئەگەر هەبوونە نەشیایمە ناسناڤەكێ دەستڤەبینم ئەگەر ژی هەڤركیا مە بەرامبەری یێن دەرڤە یالاوازە لێ ئاستێ ناڤخوەیی رێزبەندیێن باش من دەستڤەئیناینە، نەبوونا هۆلەكا تایبەت فیدراسیونا بلیاردێ ڤە بۆ ئەنجامدانا قارەمانیا ناڤدا بهێنە ئەنجامدان، بەری تێكچوونا رەوشا ئابووری مە چ كێشین ماددی نەبوون هەر قارەمانیەكا هەبا مە پشكداری دكر هەموو تشت بەردەست بۆ دووڤ 2014دا هەر پشكداریەكا مەكری سەر مەزاختیێ مەیێ تایبەت بوویە.
زێدەتر ناڤهاتی گۆت: د. نوری شنگاری بەرپرسێ نڤیسینگەها سەرۆكێ هەرێمی نێچیرڤان بارزانی هاریكاریەكا هەرەباش ل گەلمە كریە بۆ خولەكا راهێنانان ئەم چووینە ئیرانێ بۆ ماوەیێ یازدە رۆژان، ئەم وەكۆ گرۆپێ مە یاریزانیێن خودان شیان نوكە لاوازی كەفتیێ ئەگەر ژی نەبوونا پالپشتیێ یە هەكە هەبا دا كەینە كارێ خوەیێ سەرەكی، گەلەك جاران ژبەر كارێ خوەیێ تایبەت یاریزان نەشێت پشكداری قارەمانیا بیت رۆژ بۆ رۆژێ یاریزانیێن زێدەدبن خودان شیانن لێ ژبەر نەبوونا پالپشتێ و هاریكاریێ بەرزەنە.
