ئاڤا ژێر ئەرد ل هندەك دەڤەرێن دهۆكێ كێمبوویە
دهوك، لەزگین جوقی
رێڤەبەرێ ئاڤا ژێر ئەرد ل پارێزگەها دهۆكێ راگەهاند، ئاڤا ژێر ئەردا هندەك دەڤەرێن سەر ب پارێزگەها دهۆكێ د ڤان چەند سالێن بوریدا ب رێژەكا بەرچاڤ كێم بوویە و گۆت: ل گۆمەلگەها شاریا و قەزا سێمێلێ پتر ژ هەموو دەڤەران ئاستێ ئاڤا ژێر ئەرد كێمبوویە و هندەك ئەرد هەنە ل چیایێ زاوا و شاریا هەتا 30 مەتران ئاستێ ئاڤا ژێر ئەرد كێمبوویە.
عەبدولمەجید عەبدوللا، رێڤەبەرێ ئاڤا ژێر ئەرد ل پارێزگەها دهۆكێ دیاركر، ل قەزا ئاكرێ و هندەك دەڤەرێن سەر ب پارێزگەها دهۆكێ ئاڤا ژێر ئەرد ب ئەگەرێ نەهاتنا بارانان كێم بوویە، بەری نوكە ل هندەك دەڤەران سەر 100 مەتران ئاڤ دەردكەفت، بەلێ نوكە هەتا 200 مەتران هندەك دەڤەران ئەرد دهێتە كۆلان هەتا ئاڤ دەركەڤیت و هندەك دەڤەران ژی ئاڤ گەلەك كێم نەبوویە و چەند مەتران ئاڤ كێم بوویە.
عەبدولمەجید عەبدوللا، رێڤەبەرێ ئاڤا ژێر ئەرد ل پارێزگەها دهۆكێ راگەهاند ل گۆمەلگەها شاریا و قەزا سێمێلێ پتر ژ هەموو دەڤەران ئاستێ ئاڤا ژێر ئەرد كێمبوویە و هندەك ئەرد هەنە ل چیایێ زاوا و شاریا هەتا 30 مەتران ئاستێ ئاڤا ژێر ئەرد كێمبوویە و گەلەك بیرێن ئاڤێ هاتینە چێكرن بۆ كارێن چاندنێ و ئاڤدانێ و ئاڤا ڤەخوارنێ نوكە ل پارێزگەها دهۆكێ پتر ژ چار هزار و500 بیرێن ئاڤی یێن هاتینە كۆلان ل هەموو دەڤەران و ل دووڤ هندەك مەرج و رێنمایان رێ ب خەلكێ دهێتە دان بیرێن ئاڤێ بكۆلن.
