ئاکرێ ئامادەکاریا بۆ فیستەڤالا نەورۆزێ دکەت
ئەڤرۆ نیوز ، سەباح زۆهێر:
هەرسال بۆ ئاهەنگا نەورۆزێ خەلکەکێ زۆر ل نافخۆ و دەرڤە قەستا باژێرێ ئاکرێ دکەن ژبۆ دیتنا ئاهەنگا نەوروزێ ژبەرکو نەوروزا ئاکرێ تایبەتی و سیمایەک جوان پێڤە دیارە.
کاوە زوهێر خالد رێڤەبەرێ رەوشەنبیری و هونەری ل ئاکرێ ددەتە دیارکرن کو مە وەک رێڤەبەریا رەوشەنبیری و هونەری ب ئەڤ سالە ب سوپانسەریا کومپانیا(MRF)
دێ رابین ب گێرانا فیستەڤالا سالا 2018ێ کو هەر سال وەک ئاهەنگ دهاتە نیاسین لێ ئەڤ سالە وەک فیستەڤال دێ هێتە نیاسین.
گۆت ئەڤ سالە نەوروز ل ئاکرێ دێ ب دو روژا دەست پێکەتن، روژا ئێکێ ل 19ێ مەها ئادارێ ل دەمژمێر ۱۱سپێدێ دێ دەست پێکەت ل دەست پێکێ دێ پێشانگەهەکا فوتوگرافی یا وێنێن کەڤنارێن ئاکرێ کو دوو فوتوگرافەرێن جیهانینە کو بۆ ئاژانسێن جیهانی کاردکەن و ۱۰تابلۆ دێ هێنە نمایشکرن و پێشانگەها دی ژی یا خوارنێن هشکن، و پێشانگەهەکا ماموستایەکێ پەیمانگەها هونەرێن جوان، هەروەسا پشکداریا موزەخانا کەلۆپەلێن کەڤنار ل ئاکرێ، پشتی نیڤرۆ ژی دێ فیلمەکێ دیکیۆمێنتەری هێتە نمایشکرن ل سەر نەوروزا ئاکرێ ب دەرهێنانا (عادل ئاکرەی ) پاشی دێ سمینارەک بۆ ماموستا(سەعید شەریف) ل سەر دیروکا نەوروزێ ب گشتی هێتە ئامادەکرن و هەروسا دێ دهەمان روژدا کورەکێ هەلبەست خواندنێ بۆ هەلبەستڤانێن ئاکرێ هێتە گێران و دێ نامیلکەک ژی ل سەر نەوروزا ئاکرێ هێتە چاپکرن و بەلافکرن و دێ کوچکەک بۆ سترانبێژێن ئاکرێ هێتەدانا ل شەڤێ کو ئەڤ چالاکیە دێ هەمی ل روژا ئێکێ هێنه گێران.
ل دور روژا دوێ ژ فیستەڤالێ کو دبیتە کو روژا هەلکرنا ئاگری ناڤبری گۆت کو دێ ل روژا دوێ فیستەڤال ل پشتی نیڤرۆ دەست پێکەت ب ئاهەنگێرانێ ب پشکداریا چەند هونەرمەندان، هەروەسا هژمارەکا گروپان دێ پشکداربن ژوان گروپێ(کەلێ، سیپە، پێشمەرگە، بارزان) کو ئەڤ گروپە دێ رابن ب سەر ئێخستنا خەتیرێن ئاگری بۆ سەرێ کەلێ.
داویێ گۆت ئەڤ سالە پتر ئامادەکاری هاتینە کرن و سوپاسیا دەڤەردارێ ئاکرێ و رێڤەریا شارەوانیا ئاکرێ دکەین کو ب هەماهەنگی دکەل پارێزگەها دهوکێ کو گورەپانا سەرێ گری فرەهو کونکریت کری کو ئەڤە کارەک باش بوو دێ زێدەتر خەلک ل وێرێ ئامادە بیت.
