ئاگربه‌ست د ناڤبه‌را ئسرائیلێ و فه‌له‌ستینیان دا هاته‌ راگه‌هاندن

ئاگربه‌ست د ناڤبه‌را ئسرائیلێ و فه‌له‌ستینیان دا هاته‌ راگه‌هاندن

59

ب، سه‌رجان مه‌حمود:

پشتی شه‌رێ سێ رۆژان یێ د ناڤبه‌را ئسرائیلێ و فه‌له‌ستینیان دا ب ناڤبژیڤانیا مسرێ ئاگربه‌ست هاته‌ راگه‌هاندن و وه‌زیرێ به‌رگریێ یێ ئسرائیلێ ژی د ڤێ مژارێ دا راگه‌هاند كو وان ب مه‌رج ئاگربه‌ست قه‌بوول كرینه‌ و دڤێت رێكخستنا جیهادا ئیسلامی ده‌ست ژ پیلانێن خوه‌ یێن كرێت به‌رده‌ت و گۆت: (پشتی وه‌رگرتنا هنده‌ك زانیاریان ل سه‌ر یه‌ك ژ سه‌ركرده‌یێ رێكخستنا جیهادا ئیسلامی یا فه‌له‌ستینێ كو پیلانێن تیرۆرستی ل دژی گه‌لێ ئسرائیلێ ئاماده‌ دكر، مه‌ ئۆپه‌راسیۆنێن سه‌ربازی ئه‌نجام دا و تێدا هژماره‌ك ئه‌ندامێن رێكخستنا ناڤهاتی هاتنه‌ كوشتن و بریندار كرن، پشتی شه‌رێ سێ رۆژان ب ناڤبژڤیانیا مسرێ ئه‌م ل سه‌ر راگه‌هاندنا ئاگربه‌ستێ رازی بوون، لێ ئه‌م دێ د هه‌ر واری دا ب هه‌موو هێزا خوه‌ گه‌لێ خوه‌ ل هه‌مبه‌ر هه‌ر ئێرشه‌كا تیرۆرستی پارێزین).

ل ئالیێ دی محه‌مه‌د ئه‌لهندی په‌یڤدارێ رێكخستنا جیهادا ئیسلامی یا فه‌له‌ستینێ ژی راگه‌هاند كو ئه‌ڤ سێ رۆژ بوون ئسرائیلێ ئێرشی فه‌له‌ستینێ دكر و ژ ئه‌نجاما ئێرشێن وێ ب ده‌هان وه‌لاتیێن سڤیل هاتینه‌ كوشتن و بریندار بووینه‌.

هه‌روه‌سا وه‌زاره‌تا ساخله‌میا ئسرائیلێ ژی راگه‌هاند كو د شه‌رێ سێ رۆژان دا 43 كه‌سان جانێ خوه‌ ژ ده‌ست داینه‌ و د ناڤ قوربانیان دا 15 زارۆ و چار ژن هه‌نه‌ و 24 ئه‌ندامێن رێكخستنا جیهادا ئیسلامی هاتینه‌ كوشتن و 311 كه‌س ژی بریندار بووینه‌.

کۆمێنتا تە