ئاگری هژمارەکا پارچێن سماقێ ل نەهلێ سوتن
ئەڤرۆنیوز،سەباح زوهێر:
عەکان عەبدولسەلام ئێک ژ وەلاتیێن دەڤەرا نەهلێ یە یا سەر ب ناحیا دینارتێ ڤە ل دور بەربوونا ڤی ئاگری بۆ ئەڤرۆ نیوز گوت، کو هەر ژ دوهی وەرە ئاگرەکێ مەزن بەربوویە چیایێ گەلیێ زێوەی ب ڤێ چەندێ هژمارەکا پارچێن سماقێن خەلکێ دەڤەرا نەهلێ هاتینە سوتن و زیانەکا مەزن ب وان جۆتیاران کەفتی یە.
گۆت ژی هەتا نوکە ئاگر نەهاتیە ڤەمراندن و هژمارەکا وەلاتیێن دەڤەرێ ل گەلەک گوندان چووینە بۆ ڤەمراندنا ئاگری، لێ ڤەمراندنا ئاگری دشیانێن خەلکێ دەڤەرێ دانەبوو، تیمێن ئاگر ڤەمراندنێ ژی ناگەهنە وێرێ، ژبەر ڤێ ئێکێ زیان ب خەلکی کەفت، دبیت هێشتا زیان زێدەتر لێ بهێن، چونکی هژمارەکا زور یا خەلکی یا مای سماقا خوە نەچنیە.
هێشتا گۆت، هندەک خەلک یێ بێ وژدانە، دێ چ مفا گەهیتە وی کەسێ ئەڤ ئاگرە هەلکری و زیان ب خەلکێ هەژار کەفتی، چونکی هژمارەکا خەلکێ دەڤەرێ ژیانا وان ل سەر هندێ یە، ژبەر هندێ ئەڤە کارەکێ کرێت و بێ وژدانی یە ژ لایێ هەرکەسێ ب ڤێ چەندێ رابووی.
