ئاگرەكێ مه‌زن بەربوویە چەندین گوندێن هه‌ورامان
ئه‌ڤرۆ نیۆز،عه‌زیز ره‌سول هه‌ورامانی:
ئاگرەکێ مەزن بەربوویە هه‌ر سێ گوندێن سه‌رگه‌ت و گوڵپ و باخه‌كۆن یێن سه‌ر ب پارێزگەها هه‌ڵه‌بچه ڤە، به‌رگریا شارستانی ب هەڤکاریا وەلاتیێن ڤێ دەڤەرێ د هه‌ولا كۆنترۆلكرنا ئاگری دانە،لێ هەتا نوکە نه‌شیاینە كۆنترۆل بكه‌ن.
زانیار عومه‌ر پەیڤدارێ پۆلێسێن به‌رگریا شارستانی ل هه‌له‌بچه بۆ ئه‌ڤرۆ نیۆز گوتیە:ئاگرەکێ مەزن بەربوویە چیا و ده‌شتێن هەر سێ گوندێن سه‌رگه‌ت و گوڵپ و باخه‌كۆن،نوکە سێ تیمێن به‌رگریا شارستانی هاتینە هنارتن بۆ کونترۆلکرنێ،لێ ژبەرکو ئاگرەکێ مەزنە نەشیاینە كۆنتڕۆل بکەن.
هەروەسا گۆتیە:ئەڤ دەڤەرە دەڤەرەکا چیایی یە و ل زۆر بەیا جهان ئاگر ب دار و تراشان دهێتە ڤەمراندن و وەلاتی ژی هەڤکاریا مە دکەن،دیسا نوکە ئەم نزانین چه‌نده زیان هه‌نە،بەلێ ئاگری رووبەرەکێ بەرفرەه یێ پیش و پەلەخی سووتیە ل گه‌ل چه‌ندین دارێن به‌روی.
ئه‌و ژی دیارکریە:نوکە ئەم نزانین ئەگەرێن بەربوونا ڤی ئاگری چنە،بەلێ پشتی كۆنتڕۆلكرنێ،دێ ڤەکۆلینێ کەین ل ئەگەرێن بەربوونا وی و دێ تاوانباران دەینە دادگەهێ.