ئاگر به‌ربوو پرۆژه‌كێ خودانکرنا گولکان
ئه‌ڤرۆ نیوز، نه‌وزاد هلۆرى
:
ل نیڤرویا ئه‌ڤرۆ ژ،سه‌ده‌مێ شوته‌كێ كاره‌بێ ئاگر به‌ربوویه پروژه‌یه‌كێ ب خودانكرنا گولكا ل گوندێ هلورا یا سه‌ر ب ناحیا شێلادزێ.
فه‌رسه‌ت عه‌بدولجه‌بار خودانێ پرۆژێ ب خودانكرنا گولكا بو ئه‌ڤرۆ نیوز گۆت: (ئه‌ڤرۆ ژسه‌ده‌ما شوته‌كێ كاره‌بێ ئاگر به‌ربوویه پرۆژێ من یێ خودانكرنا گولكا ل گوندى ، سوپاس بو خودێ ب هاریكاریا وه‌لاتیان و تیما به‌ره‌ڤانیا باژێرى ل شێلادزێ مه شیا ئاگرى كونترول بكه‌ین بێ كو زیانێن زور ل پشت خوه بهێلیت).
زێده‌تر گۆت: (ژئه‌نجامێ ئاگرى ئالفه‌كێ زور یێ گولكا سوتیه و زیان گه‌هشتنه جهێ ب خودانكرنا وان، و دیسان ژبه‌ر سه‌ده‌ما دوكێلا ئاگرى هه‌ند گولك توشى ته‌نگه نه‌فه‌سیێ بوون، به‌لێ مه شیا ده‌رگه‌هێ گوڤا پرۆژه‌ى ڤه بكه‌ین و گولكا رزگار بكه‌ین به‌رى كو بمرن و نها ئه‌م چاره‌سه‌ریا وان دكه‌ین ب رێیا ده‌رمان و شرینقان كو نێزیكێ 10 گولكا ته‌نگه‌نه‌فه‌سى ببوون).
ب گوره‌ى ئاخفتنێن ناڤبرى نێزیكێ 40 گولك و چێلا د پرۆژێ وى دا هه‌بوون و ژیانا وان لسه‌ر خودانكرنا گولك و چێلایه.
