ئاگر بەربوو خیڤەتەکێ و زارۆیەک دناڤ دا بوو قوربانی
ئەڤرۆ نیوز:
ئەڤرۆ رێکەفتی ٣٠/١/٢٠١٩ لدۆرێن دەمژمێر ١١سپێدێ ژ ئەگەرێ شۆرتەکی کارەبی ئاگر بەربوو خیڤەتا ئاوارەیەکی شنگالێ ل کەمپا کەبەرتوو۲
باسم قاسم پەیامنێرێ ئەڤرۆ نیوز ژناڤ کەمپێ دا دیارکرن، ئەڤ حالەتا ئاگربەربوونێ ژ ئەگەرێ شۆرتەکی کارەبێ بوو ل ئەوی دەمێ کارەبا نیشتیمانی ھاتی ئێکسەر ئاگر بەربوو خیڤەتی و زارۆیەکی ئەوێ خێزانێ بناڤێ “خێراھات خێری حامد” کو تەمەنێ وی سال و نیڤەک بوو دناڤ خیڤەتێ دا دمینێت و ب رێژەیا ٩٥% لەشێ وێ دشەوتێت و دھێتە رەوانەکرن بۆ نەخوشانێ ل باژێرێ دھۆکێ و پشتی چەند دەمژمێران ل نەخوەشخانێ ڤە ئەوی گیانێ خوە ژ دەست دا.
