ئایا ئه‌ڤه‌شه‌رێ سێ یه یان گۆڕانكاری و لێكڤه‌كرنا ده‌ڤه‌رێ یه
بێگومان ئه‌ڤا هه ئاماژه‌یه‌كه ل گوَر وان پێش بینێن تێنه كرن كو هنده‌ك بابه‌لیسكێن بله‌ز بوَ گوَڕانكاریا ده‌ڤه‌رێ برێڤه‌نه. ئه‌كید ئه‌ڤ راستیه ب شێوه‌یه‌كێ سروشتی تێته دیتن ده‌مێ كو مروَڤ ته‌ماشای ره‌نگ و دیمه‌نێن ئه‌ڤروَ یێ روژهه‌لاتا ناڤین بگشتی و ده‌وله‌تێن عه‌ره‌بی و هه‌رێمی بتایبه‌تی دكه‌ت، ره‌نگه بیر ل وێ چه‌ندێ دكه‌ت كو هنده‌ك ڤوَلكانێن نه چاڤه‌رێكری ل ده‌ڤه‌رێ بهێنه په‌قین. ژبه‌ركو وه‌سا دیاردكه‌ت ئه‌ڤروَ سیمایێ وێ به‌ره‌ڤ شێلی بونێن نه‌زه‌لال ڤه دچیت، چنكو ب خوه یاتوشی كوَمه‌كا كێش و ڤه‌كێش و هه‌ڤڕكیێن مه‌ترسی دار بویه، هه‌لبه‌ت ئه‌ڤا هه دزڤڕیت بوَ كاربده‌ست و ده‌ستهه‌لاتدارێن وان ئه‌وێن سه‌ردا چووین و دوژمنكاریا وه‌لاتێ خوه كرین ژبه‌ر كو دیاربوو ژ قه‌وارێن دادپه‌روه‌ی مروَڤایه‌تیێ ده‌ركه‌تینه چنكو ب دیتنێن هوَڤایه‌تی كاردكه‌ن، دگه‌ل ڤێ ژی سه‌رده‌ری و نێرێنین خراب به‌رێ خه‌لكێ دایه كوشتن و ره‌ڤین و نه‌مانێ و ئه‌ڤا هه پێخه‌مه‌تی مانو كورسێین خوه كاركرنه؛ له‌ورا كار گه‌هشت وێ چه‌ندێَ شوَڕه‌ش و به‌رخوه‌دانێن جه‌ماوه‌ری به‌رپابوون ژبوَ ئازادی و رزگاریا گه‌ل و وه‌لاتێ خوه چنكو كه‌فتبوون د بن سته‌م و خوه سه‌پاندنا ژیانه‌كا نه‌خوازیار دا بێگوَمان ئالێن ده‌ره‌كی ژی پالدان ژی بوَ ڤان سه‌رهلدانا هه‌بوویه تاكو كار گه‌هشتیه وی راده‌ی گه‌له‌ك ژ ده‌وله‌تێن عه‌ره‌بی وده‌ڤه‌رێ بهێنه گوهۆڕین بوَ هندێ ئه‌و خه‌ونێن ب ئازادیێ ڤه ددیتن بگه‌هنێ و ئه‌ڤه‌ژی بوَ هندێ بوویه داكو دیموَكراسیه‌ت و مروَڤایه‌تی ببن به‌رێ بنیاتێ بۆ ته‌بایی و پێكڤه ژیانێ. به‌لێ سیمایێ ڤان به‌رخوه‌دانا هاتن گوهۆڕین به‌ره‌ڤ سكره‌كێ تی ئێن تی كری یێ مه‌ترسیدار ڤه چوون ئه‌و ژی بوویه كوَمه‌كا ئایدولوَژی و بیروَكه‌یێن به‌رته‌نگ و تیروَری داكو ببن ئالاهه‌لگرێ په‌یام و رێڤه‌برنا وه‌لاتێ وان. بێگومان راستیا ڤێ ئه‌ڤ گروَپێن توَندڕه‌و بووینه رێگر ب ئاوایه‌كێ نه‌ساخله‌م خوه دانه نیشان دان و هاتن گوره‌پانێ دا وكارێ وان بوویه و ڕه‌ڤاندن و تۆقاندن دا كو خه‌لكه‌كی ب خوه‌ڤه گرێ بده‌ن و مه‌ره‌م ژ ڤێ چه‌ندێ دڤیا سه‌ركێشا هه‌موو گروَپا بكه‌ن و بتایبه‌تی تیروَرستێن داعش هاتین گوره‌پانێ دا و په‌نا بره كارێ درندانه و كوشتن و سه‌ربرینا خه‌لكه‌كێوۆر داكو ببن سه‌ركێشێن هه‌موو گروپێن دی بوَ هندێ روَلێ خوه هه‌بیت. پێنه‌ڤه‌ێت ئه‌ڤ راستیه دیاربوو ئیروَ ئه‌ڤ بیروَكه‌یا گه‌نی و دوور ژ راستیا خوه داعش كه‌تیه زوَربه‌یا وه‌لاتێن جیهانێ و چنكو ئاور و سه‌رده‌رێن وان كاره‌ساتێن بێ وێنه په‌یداكرن و ژ ئالیه‌كێ دیڤه خوه‌یابوو كو عه‌قله‌كێ سیاسی ل پشت ڤان گرۆپێن تیروَری هه‌یه چنكو وان بوَ خوه دانه‌چێكرن و به‌ردانه ده‌ڤه‌رێ. داكو بشێن رێگریێ ل پێشڤه چوون ئازادیێ بكه‌ن، بوَ هندێ ده‌ستهه‌لات و كوَچكێن وان ژده‌ست نه‌چن، گورپێن تیروری چێكه‌رێن هنده‌ك ئالێن به‌رژه‌وه‌ندكار و خوین مێژێن مروڤایه‌تیێ نه؛ تیروَر بوویه ڤایروَسه‌كا نه‌دیار كه‌فتیه ته‌ڤایا وه‌لاتێن جیهانێ و ژبه‌ر ڤێ یه‌كێ یه هێزا نیڤ ده‌وله‌تی هه‌موو یێن كه‌فتینه د چه‌په‌رێ هشیاریی َ دا چنكو مه‌ترسیاوێ كاریگه‌ریا خوه كریه ل سه‌ر ژیانا مروڤایه‌تیێ و له‌ورا جڤاكێ نیڤ ده‌وله‌تی سه‌ر قالی هندێ یه و بوَ نه‌هێلانا ئه‌ڤان تیروَرستێن داعشێ كو دووری بنه‌مایێن ئایین ومروَڤایه‌تیێ نه و روویێ راسته‌قینه‌یێ وان و بتایبه‌تی داعشێ دیاربوو و دگه‌ل ڤێ ژی راستیه‌كا دی هه‌یه كو ڤیا بهێته روَهنكرن سه‌باره‌ت هه‌بوونا داعش، دیاره ئه‌نجامه‌ك بوو ل سه‌ر وێ هه‌ڤڕكی و دژایه‌تیا به‌رده‌وام یا مه‌زهه‌بی وئاینی كو تیروَر بوویه به‌ره‌یه‌ك هه‌ڤ دژ ئێخستی یه ته‌ڤایا روَژهه‌لاتا ناڤین بوَ ئه‌وێ دوژمناهیا كه‌فتی د ناڤ به‌را شیعه و سونا دا و راستیاوێ ده‌نگ ڤه‌دایه و ره‌نگه وه‌كو ئاماژه‌یه‌ك بوَ وان ده‌ستهه‌لات ورێبه‌ر و خوپه‌رستێن مه‌زهه‌بی كاردكه‌ن و ب تایبه‌تی بوَ كاربده‌ستێن وه‌لاتێن عه‌ره‌بی داكو ل خوه بزڤڕن؛ بهێنه ل سه‌رهێلا پێگری ده‌وله‌تا ئیسلامی خوه چێبكه‌ن ب تایبه‌تی ئه‌وێن راسته‌وخوَ دوژمناهیا وان دكه‌ن و ژره‌خه‌كێ دیڤه داعش بوویه هه‌ڤڕك و كرنه ئیسلاما سیاسی به‌لێ د وارێ پراكتیكێ دا پروَژه‌یه‌كێ سونی بوویه ژبه‌ر هندێ دڤیا ب رێكا هه‌ره‌شه و تۆقاندنێ هه‌بوون و پێگه‌هێن خوه ل ده‌ڤه‌رێ په‌یدابكه‌ن و هه‌لبه‌ت ئه‌ڤا هه نه‌هات ڤه‌شارتن ودیاروبون گه‌له‌ك ژ ده‌وله‌تێن عه‌ره‌بی وهه‌رێمی ب ئاوایه‌كێ ڤه‌كری پشتگیریا ئه‌ڤێ گروَپا مروَڤ كوژ دكر تاكو كرنه خودان هێزه‌كا مه‌زن و كاریگه‌ر و هه‌ڤسارێ وان به‌ردانه هه‌موو جیهانی بوَ هندێ بارێ خوه سڤك بكه‌ن. ژبه‌ر ڤَ چه‌ندێ یه‌ی ئیروَ هێزا نیڤ ده‌وله‌تی بوویه ئێك و مژوولی وێ چه‌ندێ نه ئه‌ڤێ بیروَكه‌یا بوَ خوه یاریا ب چاره‌نڤیسێ مروَڤا دكه‌ت نه‌هێلن و ره‌نگه نوكه‌ژی مابن ده‌سهه‌لاتدار و مه‌زنه به‌رپرسێن ڤان وه‌لاتان كوپشته ڤانیا ڤان گروَپێن ژ رێ ده‌ركه‌فتی بكه‌ن. دیاره ل سه‌ر ڤێ دیتنێ خه‌لكێ وان باج وزیانێن مه‌زن داینه، هه‌لبه‌ت ڤی ره‌نگی نه‌خوازیار وه‌لاتێ وان توشی ناكوَكی وئالوَزیێن ناڤخوه‌یی بوونه و راستیا ڤێ ئه‌ڤ ئاورێن خراب یاریكرنه ب چاره‌نڤیسێ خه‌لكه‌كێ هه‌ژار و بێ ده‌سهه‌لات ژبه‌ر هندێ روَژ بوَ روَژێ تراژیدی و خوین رشتنێ به‌ده‌نا وه‌لاتێن عه‌ره‌بی به‌رنه‌دایه و ژبه‌ر هندێ هاتیه گوتن “بلندبوونا هه‌ر دووكێله‌كێ ئاماژه‌یه ئاگره‌كێ ل پشت هه‌ی” و بێگومان ئه‌وژی ئه‌ڤه‌یه دارێژه‌ر و پلانگێر پالده‌ریا شه‌رێ به‌رژه‌وه‌ندا دكه‌ن كو بن ئالێ ده‌ست تێوه‌ردان و شێلیكرنێ تاكو بگه‌هن وان ئارمانجێن دیاركری. له‌ورا سه‌روبه‌ر ئیروَ گه‌هشتی یه كه‌ناره‌كێ مژگرتی و ره‌نگه یاكه‌فتی بن فشار و دورپێچا نه‌دیاردا. هه‌لبه‌ت ئه‌گه‌ر راستیا بێژین و بچینه كویراتیا مێژووێ دێ گه‌له‌ك چیروَك و سه‌رهاتیێن ب ڤی ئاوای ل ڤان وه‌لاتا هێنه دیتن تاكو ئه‌ڤ بازارێ ئیروَ گه‌هشتیه كڕین و فروتنا مروَڤان، بێگومان ئه‌ڤ ئاور و دیتنێن به‌روَڤاژی ئیروَ ژیانا مروَڤا ئێخستی یه به‌رپێلێن مرنێ و دیاردكه‌ت ب ڤه‌خارنا خوینا خه‌لكێ بێ تاوان سه‌رخوه‌ش بوویه و زور پێ كه‌یف خوه‌ش دبن. ئه‌ڤ كریارێن هۆڤانه یێن داعشێ ده‌لیڤه په‌یداكریه ئیروَ هێزا نیڤ ده‌وله‌تی بكێشنه ده‌ڤه‌رێ بوَ پاراستنا خه‌لكه‌كێ هه‌ژار و بێ ده‌سهه‌لات له‌وا جڤاكێ نیف ده‌وله‌تی بتایبه‌تی وه‌لاتێن زلهێز هه‌ڤرَكییه‌كا به‌رچاڤ هه‌یه بوَ یداگیركرنا ده‌ڤه‌رێ ل سه‌ر وان دیتنێن به‌روَڤاژی د مروڤایه‌تی یێ دگه‌هن وه ژلایه‌كی دیڤه كار گه‌هشتیه وێ چه‌ندێ كو پێگه‌ه و به‌رژه‌وه‌ندێن خوه به‌رفره‌ه بكه‌ن و هه‌ولێن پاراستنێ دكه‌ن. داگیركرن و ده‌ست تێوه‌ردانێ روَژ بوَ روَژێ زێده و به‌رفره‌ه دبیت، ئه‌ڤه‌ژی ئه‌گه‌رێن شه‌رێ دژی داعشێ خاستیه ئه‌ڤروَ كێش و ڤه‌كێش ل سه‌ر ده‌ڤه‌رێ بهێنه كرن له‌وا هه‌رلایه‌ك هێز و شیانێن خوه نیشا به‌رامبه‌ری خوه دكه‌ت، ره‌نگه بوَ ڤێ چه‌ندێ كێشان و پیڤانێن داگیركرنا ده‌ڤه‌رێ هه‌بن و دیاره هه‌رئالیه‌كێ نه‌خشه ورێكارێن نوو بوَ ده‌ڤه‌رێ هه‌نه و راستیا ڤێ خوه‌یادكه‌ت هێزێن نیڤ ده‌وله‌تی ئیروَ هێدی هێدی به‌ره‌ڤ دوو جه‌مسه‌ری یێ ڤه دچیت و چنكو هه‌رئێكی هه‌ڤالبه‌ند و هه‌ڤ په‌یمانێن خوه هه‌نه و دگه‌ل ڤێ ژی پێش بینیێن زه‌نگ و مه‌ترسیا شه‌رێ سیێ جیهانی لێ دده‌ت و هه‌لبه‌ت ئه‌ڤا هه ژی ل گوَڕێ یه سایكس-پیكو یه‌كادی هه‌بیت كو گوَڕانكاریا و لێكڤه‌كرنا ده‌ڤه‌رێ و به‌لێ یا جهێ پسیارێ ئه‌ڤه‌یه كو دڤێ یاریا نیڤ ده‌وله‌تی دا ل سه‌ر كێش وڤه‌كێش و لێكڤه‌كرنا ده‌ڤه‌رێ چ ئومێد وپشت راستیه‌ك بوَ گه‌لێ مه هه‌یه بوَ وان خه‌ونێن مه مال وێرانی و قوَربانی بوَ داین و ئه‌ڤروَ ژی به‌رده‌وامه بوَ هندێ كو جاره‌كادی نه‌بینه هه‌ڤیرێ پێ خارنا خه‌لكه‌كێ دی یان ژی ببین سوته‌مه‌نی و پالێن به‌رژه‌وه‌ندكاران
