ئایفون دێ گوهۆڕینان كەت
رۆژنامەیەكا بریتانی ئەڤرۆ دوشەمبیێ ئاشكرا كریە؛ ئەپل ل بەرە هندەك گوهۆڕینان بۆ باشتركرنێ د ئایفۆن 16 دا پەیدا بكەت.
دەیلی مەیل راگەهاندیە «حەزا گوهۆڕینێ د ئایفۆن 16 دا هات پشتی بێزاربوونا بكارهینەران ژ گوهۆڕینا رەنگێ تیتانیۆمێ، ئەو ماددەیا بۆ دروستكرنا ئایفۆن 15 هاتیە بكارئینان، ل دەمێ زەیتێن لەشی و شوین تبلێن مرۆڤی دكەڤنە سەر».
ولتەر ناڤارینی ئەكادیمیست ژ زانكۆیا پۆلیتەكنیك ل میلانۆ د ڤی بیاڤی دا دبێژیت «ئێك ژ ئاستەنگێن سەرەكی ل هەمبەر بكارئینانا تیتانیۆمێ گوهۆڕینا رەنگێ وێ یە یا كو ژ كارتێكرنێن دوهنی یێن ماددەیێن زەیتی ل سەر روویێ وێ پەیدا دبیت».
بكارهینەرێن ئەپل چاڤەرێی وان گوهۆڕینان دكەن یێن دێ د ئایفۆن 16 دا هەبن كو چاڤەرێ دهێتە كرن د هەیڤا سێپتەمبەرا بهێت دا زنجیرەیا موبایلێن ئایفۆن 16 بهێتە راگەهاندن.
ئایفۆن 15 ژی یا كو ل سالا 2023 هاتیە بەردەستكرن هندەك گوهۆڕین ب هەڤبەركرن ل گەل ڤێرژنێن بەری وێ تێدا هەبوون.
