ئای ئو ئێس 16 دێ گه‌هیت
ئه‌ڤرۆ:
سیسته‌مێ ئای ئو ئێس 16 سیسته‌مێ نوو یێ سیسته‌مێ ئایفۆنێ یه كو ل به‌ره ل ئیلۆنا ئه‌ڤ ساله ل گه‌ل ئایفۆنا نوو بگه‌هیت. ئه‌ڤه ژی هات پشتی كۆمپانیا ئه‌پل د كۆنگرێ خوه یێ پێشخستنێ یێ سالانه دا ئاماژه پێ كری.
پشتی كۆمپانیا ئه‌پل گرنگترین و نووترین ساخله‌تێن سیسته‌مێ خوه یێ نوو راگه‌هاندنی، شاره‌زایێن وارێ ته‌كنۆلۆژیایێ ل گه‌ل سیسته‌مێ ئه‌ندرۆید هه‌ڤبه‌ر كرن دا كو بزانن چ تشتێ وه‌كهه‌ڤ تێدایه و چ گوهۆڕین هه‌نه.
1- دشیان دایه (سكرین لوك) بهێته ده‌ستنیشانكرن:
كه‌رستێن گرتنا شاشێ پێشتر ل سیسته‌مێ ئه‌ندرۆید هاتیه بكارئینان، پێشتر ژی كۆمپانیا گۆگل راگه‌هاند بوو كو بكارئینه‌رێن سیسته‌مێ ئه‌ندرۆید وه‌كو پێدڤی ڤێ خزمه‌تێ ب كار نائینن.
ئه‌و شاشا گرتنێ یا بنه‌جهكری بكاردئینن زوو ب زوو ناگوهۆڕن و ناهێنه پێگوهۆڕین. د سه‌ر ڤێ چه‌ندێ كۆمپانیێن به‌رهه‌مئینه‌ر یێن وه‌كو سامسۆنگ ئه‌ڤ خزمه‌ته د تله‌فۆنێن خوه دا بنه‌جه كرینه، نها ئه‌پل بڕیار دایه د سیسته‌مێ iOS 16 بنه‌جه بكه‌ت، ب گۆره‌یی ڤێ خزمه‌تێ د شیان دایه شاشا داخستنێ یا مۆبایلا ته ل دووڤ حه‌زا ته بهێته گوهۆڕین.
تشتێ ل گه‌ل ئه‌ندرۆیدێ نه‌هاتینه گوهۆڕین ئه‌وه كو ل گه‌ل ئه‌ندرۆید 12 و گه‌هشتنا Material You پێشخستنا شیانێن شێوازێ گرتنا شاشێ ب ره‌نگان وه‌كو ئێكن.
د سیسته‌مێ iOS 16 ئه‌ڤ ساخله‌ته پێش ڤه بریه، ئامیرێن ئایفۆنێ یێن ب سیسته‌مێ نوو دێ گرتنا شاشێ ب شێوازێن جودا و ره‌نگ و ده‌مژمێر و كه‌رستان هێنه ده‌ستنیشانكرن. ئه‌ڤ خزمه‌ته دێ ژ لایێ بكارئینه‌ران ب خوه ڤه هێنه هه‌لبژارتن. دشیان ژی دایه یێن ده‌ستنیشانكری ب كار بینن.
2- راستڤه‌كرن ل سه‌ر ئامیری:
كۆمپانیا ئه‌پل ساخله‌ته‌كا نوو یا شێوازێ راستڤه‌كرنێ ل سه‌ر كلیلا نڤیسینێ یا ئامیرێن ئه‌پل راگه‌هاند كو سیسته‌مێ ده‌نگێ بكارئینه‌ری دكه‌ته نڤیسین. بێ كو پێدڤی ب ئه‌نترنێتێ هه‌بیت.
خزمه‌ته‌كا ژ ڤی ره‌نگی یا د سیسته‌مێ گۆگل ئه‌سیسته‌نت دا هه‌یی كو ل سه‌ر ئامیرێن گۆگل پیكسل به‌رده‌سته كو ده‌نگی دكه‌ته نڤیسین یان ژی هنده‌ك كاران ب رێیا ده‌نگی دكه‌ت، وه‌كو ناما ته بڤێت ب هنێری.
3- گه‌له‌ریا هه‌ڤپشك د ناڤ وێنا دا:
كۆمپانیا ئه‌پل راگه‌هاند كو دشیان دایه د ناڤ ئه‌پل فۆتۆ دا وێنه بهێنه پارڤه‌كرن ل گه‌ل ئه‌ندامێن خێزانێ ب ره‌نگه‌كێ ئوتۆماتیكی.
ئه‌ڤه چه‌ندین ساله بكارئینه‌رێن سیسته‌مێ ئه‌ندرۆید خزمه‌ته‌كا ژ ڤی ره‌نگی هه‌یه كو رێ دده‌ت وێنه‌ی ل گه‌ل “هه‌ڤكاران” پارڤه بكه‌یی. به‌لێ تشتێ یا سیسته‌مێ ئه‌پل جودا دكه‌ت ئه‌وه كو تو دشێی وێنه‌یی ل گه‌ل رێژه‌كا زێده‌تر یا كه‌سان پارڤه بكه‌یی.
4- رێیێن وێستگه‌هێن جودا:
ل ده‌مێ ئه‌پل كۆنگرێ خوه دكه‌ت به‌حس ل ئه‌پلیكه‌یشنا ژی دكه‌ت و بۆ ڤێ جارێ به‌حس ل نه‌خشه‌یێ ئه‌پل كریه كو شیانێن ده‌ستنیشانكرنا رێیا هه‌یه ل ویستگه‌هێن جودا ب درێژاهیا رێكێ.
د سیسته‌مێ ئه‌ندرۆید ژی دا، ئه‌ڤه چه‌ندین ساله ئه‌ڤ خزمه‌ته ل به‌ر ده‌ست.
