ئسرائیلێ جاره‌كا دی هۆشداری دا وه‌لاتیێن خوه
ئه‌ڤرۆ:
به‌رپرسێن وه‌زاره‌تا ده‌رڤه یا ئسرائیلێ دوهی جاره‌كا دی هۆشداری دانه وه‌لاتیێن خوه ل توركیا و دیار كرن كو ئیرانێ به‌رهه‌ڤ بۆ هندێ كرینه كو ل ئسته‌نبۆلێ ئێرشی وه‌لاتیێن ئسرائیلێ بكه‌ت، ژ به‌ر هندێ ژی دڤێت هه‌موو وه‌لاتیێن ئسرائیلێ بله‌ز ژ توركیا ده‌ركه‌ڤن دا چو مه‌ترسی ل سه‌ر ژیانا وان دروست نه‌بیت.
ئه‌و یه‌ك د ده‌مه‌كێ دایه كو حه‌فتیا بۆری ژی به‌رپرسێن ئسرائیلێ دیار كربوون ئیرانێ دڤێت ل ئسته‌نبۆلێ ئیرشێ وه‌لاتیێن ئسرائیلێ بكه‌ت و ژ به‌ر هندێ ژی داخواز ژ وه‌لاتیێن خوه كربوون كو بله‌ز ژ توركیا ده‌ركه‌ڤن.
ل ئالیێ دی به‌رپرسێن ئیرانێ هه‌تا نها ل دۆر ڤی بابه‌تی چو داخۆیانیه‌ك فه‌رمی به‌لاڤ نه‌كرینه و چاڤدێرێن سیاسی ژی دیار دكه‌ن كو په‌یوه‌ندیێن ئیرانێ و ئسرائیلێ نها گه‌له‌ك د خرابن و پێشبینیا هه‌ر روودانه‌كێ دهێته كرن.
