ئسرائیلێ دانوستاندن ل گەل سووریێ راگرتن
دەزگەهێن راگەهاندنا ئسرائیلێ دیار کرن کو ب دەستپێشخەریا ئەمریکا دەمەک بوو دانوستاندن د ناڤبەرا سووریێ و ئسرائیلێ دا هەبوون و بەری نها هەر دو وەلاتان ل پاریسێ رێککەفتنەک ژی ئیمزا کربوون، لێ ڤێ دووماهیێ ئالۆزی د ناڤبەرا هەر دو ئالیان دا دروست بووینە و ئسرائیلێ دانوستاندنێن ل گەل سووریێ داینە راگرتن.
بەرپرسەکێ وەزارەتا دەرڤە یا ئسرائیلێ ژی دیار کریە کو سووریێ بەرهەڤیان بۆ ئێرشەکا مەزن ل سەر سوەیدایێ دکەت و ئسرائیلێ ژی ب توندی هۆشداری دایە سووریێ کو هەکە تشتەک وەسا بکەت دێ ئسرائیل ئێرشی گەلەک بنگەهێن حوکمەتێ و هێزێن سەربازی یێن سووریێ کەت و دڤێت سووریێ خوە ژ کارەکێ وەسا دوور بکەت.
ل ئالیێ دی ئەسعەد شەیبانی وەزیرێ دەرڤە یێ سووریێ ژی بۆ رۆژنامەیا مللیەت یا تورکیا دیار کریە ئسرائیلێ سۆزێن کو بەری نها دابوونە وان بجه نەئینان و ئسرائیلێ بەردەوام ئاریشە ل سەر سنۆرێن سووریێ دروست کرن و گەلەک جاران ژی ئۆپەراسیۆن ئەنجام دان و رێککەفتن بنپێکر.
