ئسرائیلێ نەڤێت پەیوەندیێن خوە ل گەل سووریێ ئاسایی بکەت
بەرپرسەکێ وەزارەتا دەرڤە یا ئسرائیلێ کو نەخواستیە ناڤێ وی بهێتە ئاشکرا کرن بۆ رۆژناما واشنتۆن پۆست دیار کریە، بەری چەند رۆژان ل وەلاتێ ئازەربایجانێ هەڤدیتن د ناڤبەرا شاندێ وان و شاندەک ژ حوکمەتا سووریێ هاتیە کرن، لێ ئسرائیلێ هەموو داخوازیێن حوکمەتا نوو یا شامێ رەت کریە و د رەوشا نها دا ئسرائیلێ نەڤێت پەیوەندیێن خوە ل گەل سووریێ ئاسایی بکەت، چونکی هەتا نها ژی ئەحمەد شەرعی پڕانیا داخوازیێن ئەمریکا و جڤاکێ نێڤدەولەتی بجه نەئیناینە و نها ژی شام مەترسیەکا گەلەک مەزنە بۆ ئسرائیلێ، ژ بەر ڤێ یەکێ ژی د رەوشەکا وەسا دا ئسرائیلێ نەڤێت پەیوەندیێن خوە ل گەل حوکمەتا نوو یا شامێ ئاسایی بکەت.
ئەو یەک د دەمەکێ دایە، کو بەری چەند رۆژان بەرپرسەکێ وەزارەتا دەرڤە یا سووریێ دیار کربوو، وان دڤێت هەتا دووماهیا ئەڤسالە رێککەفتنا ئاشتیێ ل گەل ئسرائیلێ ئیمزا بکەن و پەیوەندیێن خوە ل گەل وی وەلاتی ئاسایی بکەن.
