ئسرائیل: ئێرشا حوسییان ب فەرمانا ئیرانێ بوویە
وەزیرێ بەرگریێ یێ ئسرائیلێ دوهی راگەهاند، حوسیێن یەمەنێ ب فەرمانا ئیرانێ ئێرشی ئسرائیلێ دکەن و وەکو ئسرائیل ئەو ئیرانێ بەرپرسیار دبینن و دێ ب توندی ژی بەرسڤا هەر ئێرشەکێ دەن.
ئسرائیل کاتز ئەو یەک ژی دیار کر، ئیران موشەکێن بالیستیک ددەتە حوسیێن یەمەنێ و هەر کەس ژی باش دزانیت کا بۆچی ئیران چەکێ وەسا گران ددەتە حوسییان، حوسی ب فەرمانا ئیرانێ ئێرشی ئسرائیلێ دکەن و بەری دو رۆژان ژی دیسان حوسییان ب موشەکێ ئیرانێ ئێرشی ئسرائیلێ کرینە، وەکو ئسرائیل ئەو ئیرانێ بەرپرسیارێ ڤان ئێرشان دبینن و دێ ب توندی ژی بەرسڤا هەر ئێرشەکێ دەن.
وەزیرێ بەرگریێ یێ ئسرائیلێ جارەکا دی دیار کر، ئیران ب رێیا هندەک گرۆپان بوویە مەترسی ل سەر دەڤەرێ و دڤێت ئیران ب چو رەنگەکێ نەبیتە خوەدانا چەکێ ئەتۆمی، هەکە ئیران چەکێ ئەتۆمی دروست بکەت دێ بیتە مەزنترین مەترسی بۆ سەر ئسرائیلێ و وەلاتێن دی یێن رۆژهەلاتا ناڤین.
