ئسرائیل: بەرهەڤیان بۆ ئێرشێن نوو دکەین
بەرپرسەکێ سەربازی یێ ئسرائیلێ دیار کریە، سەرۆک وەزیرێن وی وەلاتی بریار دایە دەست ب ئێرشەکا مەزن ل باژێرێ رەفح بهێتە کرن و وان هەموو بەرهەڤیێن خوە ژی کرینە و دێ دەست ب ئێرشێن خوە کەن.
ل ئالیێ دی وەزیرێ دەرڤ یێ ئەمریکا ئانتۆنی بلینکن ژی دیار کر، دڤێت ئسرائیل ئێرشی باژێرێ رەفح نەکەت، چونکی ئەو یەک دێ رێ بۆ ئالۆزیێن نوو ڤەکەت، ئیسرائیل ب شەڕی چو بدەستڤە نائینیت بەلکو دێ زیانێن گەلەک مەزن ژی گەهنە ئسرائیلێ، دڤێت بنیامین نەتانیاهۆ ب جهێ شەڕی کار بۆ ئاشتیێ و دەستپێکرنا قۆناغەکا نوو ل گەل فەلەستینان بکەت، چونکی ئێرشا نوو یا ئسرائیلێ دێ بیتە ئەگەرێ قوربانیێن زێدەتر و جڤاکێ نێڤدەولەتی ژی ڤێ یەکێ قەبوول ناکەت.
بەری نها فرەنسا و چەندین وەلاتێن ئێکەتیا ئۆرۆپا ژی داخواز ژ ئسرائیلێ کربوون دەست ب چو ئێرشێن نوو نەکەت، چونکی ئەو یەک دێ بیتە ئەگەرێ روودانا کارەساتێن مەزن.
