ئسرائیل بەرهەڤیان بۆ ئێرشەکا مەزن ل دژی ئیرانێ دکەت
بەرپرسەکێ وەزارەتا دەرڤە یا ئەمریکا کو ناڤێ وی نەهاتیە ئاشکرا کرن بۆ ئاژانسا رویترز یا نووچەیان دیار کریە، ئسرایل بەرهەڤیێن مەزن بۆ ئێرشەکا دی ل دژی ئیرانێ دکەت، ئەندامێن موسادێ ل ئیرانێ یا پێدڤی دکەن و هەروەسا نها ئسرائیل چەکێن مودێرن ژی ژ ئەمریکا وەردگریت و د چەند رۆژێن بۆری دا ئسرائیلێ سیستەمەکێ نوو یێ بەرگریێ ژی نیشا دا کو ئەو یەک ژی دسەلمینیت ئسرائیل یا ب هەموو رەنگەکێ بەرهەڤیێن خوە دکەت و دڤێت ب پشتەڤانیا ئەمریکا دەست ب ئێرشەکا نوو ل دژی ئیرانێ بکەت.
هەمان بەرپرسی ئەو یەک ژی دیار کریە، بریارا ڤێ دووماهیێ یا نەتەوەیێن ئێکگرتی بۆ ڤەگەراندنا سزایێن ل سەر ئیرانێ کو پێشنیازا هەر سێ وەلاتێن بریتانیا، فرەنسا و ئەلمانیا بوو د بەرژەوەندیا ئسرائیلێ دایە و پشتەڤانیەکا گەلەک مەزنە، ژ بەر ڤێ یەکێ ژی دهێتە پێشبینی کرن د دەمەکێ نێزیک دا ئسرائیل ئێرشی ئیرانێ بکەت.
