ئسرائیل خوە بۆ شەڕەکێ نوو بەرهەڤ دکەت
بەرپرسەکێ وەزارەتا بەرگریێ یا ئسرائیلێ بۆ رۆژنامەیا واشنتۆن پۆست یا ئەمریکا دیار کریە، ئیسرائیل ژ نێزیکڤە دووڤچوونا دانوستاندنێن د ناڤبەرا ئەمریکا و ئیرانێ دا دکەت و بەرپرسێن ئسرائیلێ وەسا دبینن ب رێیا دانوستاندنان و رێککەفتنێ ئیران دەست ژ پیتاندنا یۆرانیۆمێ بەرنادەت و هەروەسا بەرنامەیێ موشەکی یێ ئیرانێ ژی مەترسیەکا دی یا مەزنە بۆ ئسرائیلێ و ژ بەر ڤێ یەکێ ژی ئسرائیلێ خوە بۆ شەڕەکێ دی ل گەل ئیرانێ بەرهەڤ کریە.
هەمان بەرپرسی ئەو یەک ژی دیار کریە، سەرۆک وەزیرێن ئسرائیلێ د سەرەدانا خوە یا بۆ ئەمریکا دا دێ ب رەنگەکێ ئاشکرا ڤان راستیان بۆ ترامپی دیار کەت، چونکی ئسرائیل باش دزانیت ب رێیا رێککەفتنێ ئیران دێ پتر بهێز کەڤیت و بیتە مەترسی و دڤێت ئەمریکا ب هەر رەنگێ هەی ئیرانێ نەچار بکەت دەست ژ بەرنامێ خوە یێ ئەتۆمی و موشەکی بەردەت.
