ئسرائیل: دێ ئێرشێن مە ل سەر غەزە د بەردەوام بن
بنیامین نەتانیاهۆ سەرۆک وەزیرێن ئسرائیلێ راگەهاند، هەتا مەترسیا حەماسی ل سەر ئسرائیلێ هەبیت دێ شەرێ نها ژی ب توندی بەردەوام بیت، ئێرشێن ئسرائیلێ ل سەر غەزە دێ بەردەوام بن و چو هێزەک ژی نەشێت ئاستەنگیان ل هەمبەر ئسرائیلێ دروست بکەت، چونکی حەماس بوویە مەترسیەکا گەلەک مەزن بۆ سەر ئسرائیلێ و دڤێت حەماس ب تەمامی ژ غەزە بهێتە دەرخستن و گرنگە ئسرائیلێ رۆل د رێڤەبرنا غەزە دا هەبیت و نابیت جارەکا دی حەماس ل غەزەیێ بمینیت.
سەرۆک وەزیرێن ئسرائیلێ سەبارەت ب بزاڤێن ژ بۆ راگرتنا شەری ژی دیار کر، هەتا ئسرائیل نەگەهیتە ئارمانجێن خوە دێ شەر بەردەوام بیت، چونکی مە نەڤێت پشتی دەمەکێ جارەکا دی حەماس ئێرشی ئسرائیلێ بکەت و ئاریشان بۆ ئسرائیلێ دروست بکەت، ژ بەر ڤێ یەکێ ژی دڤێت بابەتێ حەماسێ ب تەمامی بهێتە ئێکلاکرن.
