ئسرائیل: دێ حوسیێن یەمەنێ ژناڤ بەین
وەزیرێ بەرگریێ یێ ئسرائیلێ دیار کر، حوسیێن یەمەنێ بووینە مەترسیەکا گەلەک مەزنە ژ بۆ ئسرائیلێ و د هەمان دەمی دا بەردەوام ژی ئێرشی گەمیێن بازرگانی ل دەریا سۆر دکەن، ژ بەر ڤێ یەکێ ژی ئسرائیلێ ئێرشی چەندین بنگەهێن حوسییان کریە و ژناڤبریە و ژ ئەڤرۆ پێڤە ئسرائیل دێ ب هەموو هێزا خوە ئێرشی حوسییان کەت هەتا وان ژناڤ دبەت.
ئسرائیل کاتز ئەو یەک ژی دیار کر، حوسیێن یەمەنێ ب موشەکێن ئیرانێ ئێرشی ئسرائیلێ دکەن و ئێدی ئسرائیل ل هەمبەر مەترسیا حوسییان بێدەنگ نامینیت و بەری دو شەڤان ئسرائیلێ ئێرشی چەندین ناڤەندێن سەربازی یێن حوسییان کر و ژناڤبر، ئێرشێن ئسرائیلێ ل سەر حوسییان دێ بەردەوام بیت.
وەزیرێ بەرگریێ یێ ئسرائیلێ ئەو یەک ژی دیار کریە، ئسرائیلێ بەرنامەکا تایبەت ژ بۆ ئیرانێ ژی ئامادە کریە، چونکی ئیرانێ نەڤێت دەست ژ بەرنامەیێ خوە یێ ئەتۆمی بەردەت و حوسیێن یەمەنێ ب فەرمانا ئیرانێ ئێرشی ئسرائیلێ دکەن و ژ بەر ڤێ یەکێ ژی ئسرائیلێ دڤێت حوسییان ژناڤ ببەت.
