ئسرائیل: شەڕێ مە ل گەل ئیرانێ ب دووماهی نەهاتیە
فەرماندارەکێ لەشکرێ ئسرائیلێ کو ناڤێ وی نەهاتیە ئاشکرا کرن بۆ رۆژنامەیا واشنتۆن پۆست یا ئەمریکی دیار کریە، شەڕێ وان ل گەل ئیرانێ ب دووماهی نەهاتیە و ئەو بەرهەڤیان بۆ ئێرشەکا نوو ل دژی ئیرانێ دکەن، چونکی ئیران جارەکا دی چەکی ددەتە حوسییان و حوسییێن یەمەنێ ب چەکێ ئیرانێ ئێرشی ئسرائیلێ دکەن و د هەمان دەمی دا ئیران بەرهەڤ نینە دەست ژ بەرنامەیێ خوە یێ ئەتۆمی بەردەت، ژ بەر ڤێ یەکێ ژی وەکو ئسرائیل ئەو ل هەمبەر ئیرانێ بێدەنگ نامینن و دبیت شەڕێ ل گەل ئیرانێ دەستپێ بکەت.
ل ئالیێ دی موحسێن رزایی شیرەتکارێ رێبەرێ ئیرانێ ژی دیار کر، هەبوونا ئسرائیلێ هەردەم مەترسیە بۆ ئیرانێ و دڤێت ئسرائیل ل سەر نەخشەیێ جیهانێ نەمینیت، دڤێت ئیران خوە بۆ شەڕەکێ دژوار و دەمدرێژ ل گەل ئسرائیلێ بەرهەڤ بکەت، ئیرانێ دشێت ڤێجارێ دربێن کوژەک ل ئسرائیلێ بدەت.
