ئسرائیل: مە شیانێن سەربازی یێن رژێما بەشاری ژناڤبرن
وەزارەتا بەرگریێ یا ئسرائیلێ دیار کر، د چەند رۆژێن بۆری دا هێزێن ئەسمانی یێن وەلاتێ وان شیان پتر ژ ٣٠٠ ئێرشێن ئەسمانی ببەنە سەر بنگەهێن چەکی یێن رژێما بەشاری و نها ٨٠٪ ژ شیانێن سەربازی یێن سووریێ هاتینە ژناڤبرن، ئەو یەک ژی ژ بەر هندێ هاتیە کرن دا گرۆپێن چەکدار نەشێن وان چەکان ل دژی ئسرائیلێ بکار بینن یان ژی بدەنە گرۆپێن دی یێن تیرۆرستی.
ل ئالیێ دی فەرماندارەکێ لەشکرێ ئسرائیلێ ژی دیار کر، هێزێن وان نێزیکی شامێ بووینە و چەندین بنگەهێن سەربازی ژی د ناڤ ئاخا سووریێ دا ئاڤا کرینە و ئسرائیل دێ پێگەهێ خوە ل سووریێ بهێز کەت و بێی رازیبوونا ئسرائیلێ چو حوکمەتەک ل سووریێ نەشێت یا سەرکەفتی بیت و هەروەسا ئسرائیل دێ ب هەموو رەنگەکێ کار کەت دا کورد ل سووریێ پاراستی بن و دڤێت چو هێزەک ئێرشی کوردان نەکەت و ژ بۆ ڤێ یەکێ ئسرائیلێ دەست ب بزاڤەکا مەزن یا دبلۆماسی ژی کریە.
