ئسرائیل ژ رێککەفتنا ئیرانێ و سعوودیێ یا دلگرانە
ئەڤرۆ
بەرپرسەکێ وەزارەتا دەرڤە یا ئسرائیلێ، کو نەخواستیە ناڤێ وی بهێتە ئاشکراکرن بۆ ئاژانسا رویترز یا نووچەیان دیار کریە، رێککەفتنا ئیران و سعوودیێ دێ بیتە ئەگەرێ بهێزبوونا پێگەهێ ئیرانێ و ئەو یەک د بەرژەوەندیا ئسرائیلێ دا نینە، مخابن ژ بەر هندەک گوهۆڕینان نها ئیران و سعوودیێ پەیوەندیێن خۆ ئاسایی کرینە و رۆسیا ژی پشتەڤانیێ ل کارەکێ وەسا دکەت، لێ ئەو یەک دێ ئەنجامێن خۆ یێن خراب بۆ دەڤەرێ هەبن، چونکی دەمێ پێگەهێ ئیرانێ بهێز کەڤیت دێ بیتە مەترسی بۆ گەلەک وەلاتان.
هەمان بەرپرسی ئەو یەک ژی دیار کریە، بەرنامێ ئەتۆمی یێ ئیرانێ مەترسیەکا گەلەک مەزنە بۆ هەموو جیهانێ، لێ ژ بەر شەڕێ ئۆکرانیایێ و هندەک ئاریشێن دی نها وەکو پێدڤی وەلاتێن رۆژئاڤایی بەحسێ بەرنامێ ئەتۆمی یێ ئیرانێ ناکەن.
