ئسرائیل ژ هه‌لوه‌ستێ سعوودیێ دلخوه‌شه
ئه‌ڤرۆ:
رۆژناما وول ستریت جۆرنال راگه‌هاند كو ده‌مه‌كه ب ناڤبژیڤانیا ئه‌مریكا هه‌ر دو وه‌لاتێن سعوودیێ و ئسرائیلێ ده‌ست ب دانوستاندنان كرینه و بریاره د ده‌مه‌كێ نێزیك دا چه‌ندین رێككه‌فتنێن گرنگ د بیاڤێن ئابووری و ئێمناهیێ دا بهێنه ئیمزاكرن و سعوودیێ دڤێت په‌یوه‌ندیێن خوه د هه‌موو بیاڤان دا ل گه‌ل ئسرائیلێ باش بكه‌ت و ئسرائیل ژی ب گه‌رمی پێشوازیێ ل هه‌لوه‌ستێ سعوودیێ دكه‌ت و هه‌تا نها چه‌ندین گه‌رێن دانوستاندنان د ناڤبه‌را هه‌ر دو وه‌لاتان ب پشكداریا نوونه‌رێن ئه‌مریكا برێڤه چووینه.
هه‌مان رۆژنامێ ئه‌و یه‌ك ژی دیار كریه كو ئسرائیلێ دڤێت په‌یوه‌ندیێن خوه ل گه‌ل سعوودیێ و هه‌موو وه‌لاتێن عه‌ره‌بی ئاسایی بكه‌ت، ل ئالیێ دی به‌رپرسێن سعوودیێ ژی كه‌یفخوه‌شیا خوه ل هه‌مبه‌ر هه‌لوه‌ستێ ئسرائیلێ دیار كرینه و دانوستاندنێن د ناڤبه‌را هه‌ر دو وه‌لاتان ب ره‌نگه‌كێ باش برێڤه دچن.
چاڤدێرێن سیاسی ژی دیار دكه‌ن كو ئسرائیلێ دڤێت ل گه‌ل سعوودیێ و هه‌موو وه‌لاتێن عه‌ره‌بی ده‌ست ب قۆناغه‌كا نوو بكه‌ت و به‌رپرسێن سعوودیێ ژی باش دزانن كو هه‌كه په‌یوه‌ندیێن هه‌ر دو وه‌لاتان باشتر لێ بهێن ئه‌و دشێن پێگه‌هێ خوه ل رۆژهه‌لاتا ناڤین بهێزتر لێ بكه‌ن.
