ئسرائیل یا رازیە و دڤێت حەماس ژی رازی ببیت
دۆنالد ترامپ سەرۆکێ ئەمریکا د داخویانیەکێ دا دیار کر، وەکو ئەمریکا وان پێشنیازەک ژ بۆ راگەهاندنا ئاگربەستێ ئاراستەی ئسرائیلێ کرینە و پێشنیاز ژ ئالیێ ئسرائیلێ ڤە هاتیە قەبوول کرن و دڤێت حەماس ژی پێشنیازێ قەبوول بکەت، پێشنیاز ژ بۆ راگەهاندنا ئاگربەستێ یە و دێ بۆ دەمێ دو مەهان بیت، ئەو یەک ژی گەلەک یا گرنگە دا هاریکاریێن مرۆڤی بگەهنە دەستێ خەلکێ غەززە، چونکی نها رەوشا خەلکی ل وێرێ گەلەک خرابە.
سەرۆکێ ئەمریکا ئەو یەک ژی دیار کر، دڤێت حەماس ژی پێشنیازا ئاگربەستێ قەبوول بکەت، چونکی رەتکرنا پێشنیازا مە ژ ئالیێ حەماسێ ڤە دێ بیتە ئەگەرێ روودانا ئالۆزیێن نوو.
ل ئالیێ دی بەرپرسەکێ ئسرائیلێ ژی دیار کریە، دڤێت حەماس بلەز هەموو گرتیێن ئسرائیلێ ئازاد بکەت، ئەو یەک مەرجێ سەرەکی یێ ئسرائیلێ یە و دڤێت حەماس ژی یا پێگیر بیت ب ئازادکرنا هەموو گرتیان.
