ئسـرائیل: هێزێن مە دێ ل باشوورێ سووریێ مینن
سەرۆک وەزیرێن ئسرائیلێ دیار کر، پشتی ژناڤچوونا رژێما بەشاری هێزێن وان ژ بۆ پاراستنا بەرژەوەندیێن ئسرائیلێ و نەهێلانا مەترسیێن ل سەر پاشەرۆژا ئسرائیلێ ل هندەک دەڤەرێن سراتیژی ل باشورێ سووریێ بجه بووینە و دێ ئسرائیل ل وان دەڤەران پێگەهێ خوە بهێزتر ژی کەت و جارێ د بەرنامەیێ ئسرائیلێ دا نینە کو هێزێن خوە ژ باشورێ سووریێ ڤەکێشیت.
بنیامین نەتانیاهۆ ئەو یەک ژی دیار کر، هەتا رەوشا سووریێ ئارام نەبیت و رێککەفتنەکا ئەمنی د ناڤبەرا سووریێ و ئسرائیلێ دا نەهێتە ئیمزاکرن مانا هێزێن ئسرائیلێ ل باشورێ سووریێ ژ بۆ ئسرائیلێ گەلەک گرنگە، دڤێت ل سووریێ سیستەمەک نوو بهێتە ئاڤاکرن و گرنگە ل باشورێ سووریێ چو هێزێن چەکدار نەمینن و نەبنە مەترسی بۆ ئسرائیلێ، هەروەسا دڤێت دورزی ژی د سیستەمێ نوو یێ سووریێ دا جه بگرن و چو مەترسی ژی ل سەر وان نەمینن، هەتا ئەو یەک نەهێتە کرن هێزێن ئسرائیلێ دێ ل سووریێ مینن.
