ئسپانیا ب چه‌نگێن شكه‌ستی دێ هه‌مبه‌ری هێزا ئیتالیا بیت
ئه‌ڤرۆ،
چاڤه‌ڕێ دهێته كرن ئه‌ڤرۆ ل ده‌مژمێر 9:45 شه‌ڤ هه‌لبژارتیێ ئیتالیا ل یاریگه‌ها سانسێرو مێڤانداریا هه‌لبژارتیێ ئسپانیا بكه‌ت ژ چارچووڤێ قۆناغا پێش دووماهیا قاره‌مانیا خولا نه‌ته‌وه‌یێن ئۆرۆپا یا ته‌پا پێی ب هیڤیێن سه‌ركه‌فتنێ و ده‌ربازبوونێ بۆ یاریا دووماهیێ.
هه‌لبژارتیێ ئیتالیا ب سه‌ركێشیا رۆبێرتۆ مانشینی ب ئۆمێده ناسناڤێ خوه یێ 2016 ڤه‌گه‌ڕێنیت و سه‌ركه‌فتنا خوه یا یاریا دووماهیا یۆرۆیا 2020 دووباره بكه‌ته‌ڤه كو دێ ب هه‌مان پێكهاتیێ خوه یێ ناسناڤێ یۆرۆ د یاریا ئه‌ڤ شه‌ڤه دا پشكدار كه‌ت بتنێ هێرشبه‌ر چێرۆ ئیمۆبیلی پشكدار نابیت لێ یاریزان لۆرینتسۆ بلیگرینی دێ به‌رهه‌ڤبیت.
ژلایێ خوه هه‌لبژارتیێ ئسپانیا دێ بۆ تۆلڤه‌كرنێ ژ یۆرۆیا 2020 هێته دناڤ یاریگه‌هێ دا سه‌رباری هنگاڤتنێن مه‌زن دناڤ تیمێ دا ئه‌وژی ژوانا دانی كارفاخال، ماركۆس یورێنتی، جوردی ئالبا، خوسێی لویس، ئه‌لفارۆ مۆراتا، بێدری، سێرجیۆ كانالیس و راوول ئه‌لبێۆلی، راهێنه‌ر لویس ئه‌نرێكی ب چه‌نگێن شكه‌ستی و ئارمانجێن تۆلڤه‌كرنێ دێ هه‌مبه‌ری خودانێن ئه‌ردی بیت كو ئه‌ڤچه‌نده ب سانه‌هی نابیت هه‌مبه‌ری قاره‌مانا ئۆرۆپا و خودانێن ئه‌ردی.