ئـەرێ ئـەڤـە نە بانگەشـەیا هـەلبژارتنانە سـلێمانیێ دەسپێكری؟
زیاد میرزا
ل دەسپێكێ ئەم هەمی یێن ل گەل داخوازیێن رەوا یێن هەر فەرمانبەرەكی كو مافێ وی هاتیە خوارن و مووچەیێ خۆ وەرگرتی داخوازا مافێن خۆ بكەن، بەلێ مخابن ل هەرێما كوردستانێ تایبەت پارێزگەها سلێمانیێ مە ئوپوزسیۆنەكا نە دروست یا هەیی، بۆ زانین هێشتا (هەشت هەیڤ) یێن بۆ هەلبژارتنێن پەرلەمانێ ئیراقێ مایین، ئەگەر بهێنە ئەنجامدان بەلێ د نوكە دا بانگەشە ل سلێمانیێ گەلەك گەرم بوویە، هەر لایەنەكێ دئێت و خۆ دادنیت خودان بۆ ڤان ۱٦ كەسێن مانگرتی بۆ داخوازكرنا مافێ فەرمانبەران، بەلێ نێزكی سەد گۆتەبێژان بۆ دروست بووین و رۆژانە كۆنگرەیێن رۆژنەمەڤانی ئەنجامدەن دبێژن هەمی كێشە و قەیران و نەدانا مووچێ بۆ حوكمەتا هەرێمێ زڤرین، لەو دێ بێژین هەر جارەكا خەلكەك دا خواز مافێن خۆ بكەن ب دەهان لایەنێن سیاسی بۆ مەرم و بەرژەوەندی و زێدەكرنا دەنگێن خۆ ل سەر سەربەرژەوەندیا مافێن رەوا یێن خەلكی دێ بنە پارێزەر و داخوازیێن وان سیاسی كەن ل شوینا داخوازێن وان ئاراستەی حوكمەتا ئیراقێ بكەن دێ داخوازێن وان ل دژی حوكمەتا هەرێمێ بۆ خۆ بكارئینن. بۆ زانین د بنەرەت دا ئەو ئەگەرێ بڕینا مووچە و بۆدجێ خەلكێ هەرێما كوردستانێ ئیراق بوون هەتا راوەستاندنا نەفتا هەرێمێ بۆ دەرڤە، بێگومان ئیراقە بوو ئەگەرێ ڤان هەمی جۆرە قیرانان بۆ هەرێما كوردستانێ دورست كرینە، سەرەرای بەردەوام حوكمەتا هەرێمێ هەمی بهانەیێن ئیراقێ بڕینە و چەندین رێكەفتن ل گەل ئیمزاكرینە، بەلێ ژ لایێ ئیراقێ ڤە نەهاتنە جیبەجێكرن هەتا سالا ۲۰۲٥ ژ ئەنجامێن هەولێن بەردەوام و یێن بەرێز مەسرۆر بارزانی سەرۆك وەزیرێ هەرێما كوردستانێ و ئێك هەلوەستییا پشكەك ژێ لایەنێن كوردی بەغدا نەچاربوو ۱۲ هەیڤێن ئەڤ سالە رێكەفتنێ ل گەل هەرێمێ ئیمزا كەت. لەو بۆچوونا من دڤێت هەمی خەلكێ هەرێما كوردستانێ تایبەت مووچەخۆر رەخنە و داخوازیێن خۆ ئاراستەی حوكمەتا ئیراقێ بكەین و بدەنە دیاركرن ژ ئەگەرێ سكالا حوكمەتا ئیراقێ بۆ راوەستاندنا نەفتا هەرێمێ بۆ دەرڤە. دڤێت حوكمەتا ئیراقێ بودجە و مووچێ فەرمابەران دابین بكەت، ب راستی ئەم دزانین هەرێما كوردستانێ ی اب هێزە دەمێ بهێزتر دكەڤیت و پێنگاڤەكێ بەر ب سەركەفتنێ دهاڤێژیت و كێشەیێن خۆ چارەسەر دكەت، دلێ دوژمنان دسۆژیت هەمی هەولێن خۆ دئێخنە كار بۆ ناڤخۆیا هەرێمێ كوردستانێ كو تێكبدەن د رێكا ئوپوزسیۆنەكا نە دورست یا بۆ بەرژەوەندیا نەیارێن كوردستانێ كاردكەن. دوماهیێ پشتی ساخلەمیا وان مانگرتیان تێكچووی، گەلەك كەساتیێن كوردپەروەر خەلكێ پارێزگەها سیلمانیێ داخواز ژ مانگرتیا كری گرەفا برسیبۆنێ بشكێن ئەو رازیبوون ئەڤە بۆ ئەگەرێ نەرازیبوون چەند لایەنەكێن دی وەكی نەوی نوێ و گۆتە مانگرتیان بەردەوامبن دوبارە مخابن. بەلێ خەلكێ مە یێ هشیارە و دزانیت كانێ كیش لایەنێ سیاسییە ب هزاران شەهید قوربانی داینە ل سەر خەباتێ خزمەتێ بەردەوامە ب ئەركێ خۆ دزانیت بەرامبەر ملەتێ كورد هەتا هەرێما كوردستانێ گەهاندیە ڤێ قۆناغێ و ب ئانەهیا خودێ دێ دەربازی قۆناغەكا مەزنتر كەین.
