ئـەرێ ئیسلام سیاسەتە یـان عەدالـەتە؟
مـووسا خـالـد
چ سیاسەت ل سەر رویێ ڤی عەردی، نە د نوكە دا و نە ژی د رابردویی دا سیاسەتا ئیسلامێ نەبوویە و نابیت، بتنێ یا رۆن ئاشكەرا ئیسلام دینێ خودێ یە و سیاسەتكرن و رێڤەبڕن شۆلێ مرۆڤایە، هەر چەند ئەڤ سیاسەتە یا باش بیت، ل هەر جهەكێ هەبیت یا بێ كێماسی نابیت. دیسا ئەوێن سیاسەتێ دكن رەنگە تاكێ موسلمانە نەكو «ئیسلامە»، سەرەراری ڤان شەڕ وئالۆزیێن زۆریا وەلاتان ئەم دبینن بەشەكێ زور وەلاتێن عەرەب قورئانا پیرۆز كریە وەكو بنەما و دەستورێ خۆ یێ رێڤەبرنێ وەكو ئەرك و ماف و پەیرەوكرنا سیستەمێ یەكسانیا دادپەروەرانە، لێ بیرا مە بت دەمێ دەركەتنا گرۆپێن توندەرو نموونە وەكو تیرۆرستێن داعش ئیسلام كرە درووشمەكێ سیاسی و خۆ پێ بهێزدكر و مرۆڤاتی دخاپاند.
دەربارەی ئیسلاما سیاسی و ئیسلاما روحی هندك بۆچوونێن جودا جودا د ناڤبەرا عالم و زانایێن ئیسلامێ دا هەنە، «جمال الدین الافغانی» و «مەحەمەد عبدەی» و شاكردێن سیاسەتی و دینی ژێكجودا دكەن ئانكو چو تێكەلیا وان ب ئێكودوڤە نینە و سیاسەت یا بێ دینە و دین ژی بێ سیاسەتە، هەر تشتێ تێكەلیا سیاسەتێ بوو ئەو تشت دی یێ پیس و گەندەل بیت و ب كێری دینی ناهێت.
ل گۆرەی باوەریا زۆربەیا زانایان ئایین عەدالەتە و دوویرە ژ سیاسەتێ.» زانایێ ناڤدارێ ئیسلامێ شێخ محەەمد عەبدە هندەك تشتێن خراب و نەدادوەری، حیلە، درەو و خاپاندن، هتد.. ژ سیاسەتێ دیتینە، و هەتا هەر تشتەكێ دی پەیوەندی ب سیاسەتێ ڤە هەی یان خۆ نێزیكی وێ ژی بیت ئەو ب دژواری نەفرەت دكەت، چونكو سیاسەت ناگونجیت دگەل چ رێ و رێبازێن ئایینی سۆسیۆلوژی زانایێ ئەمریكی یێ ناڤدار «رایت میلز» دبێژیت (سیاسەت شەرەكێ بەردەوامە د ناڤبەرا دەستەلاتێ و بەرژەوەندیێ دا، ئانكو سیاسەت ئالاڤێ گڤاشتنێ یە بۆ بدەستڤەئینانا بەرژەوەندیێن دونیایێ، چ پەیوەندیا دینی ب سیاسەتێ ڤە نینە. سیاسەت یا دادپەروەر نینە، چونكی دشێت هەموو تشتان قوربانی بەرژەوەندیان بكەت.
ل دوماهیكێ دڤێت بزانین كو ئیسلام بتنێ چارچوڤەكێ ئەخلاقیە و هندەك بنەماین گشتی بۆ سیاسەتێ یێت داناین، بەلێ هونەرێ سیاسەت و رێڤەبرنێ و بەرف پێشڤەبرنا كومەڵگزەهێ كارێ مرۆڤانە، كو ب شارەزای و ئاقل و زانستێ خۆ بگەهنێ پەیوەندی ب ئایین و دینێن جوداڤە نینە. یا دروست ئەوە خەلكێ هەرێما كوردستانێ و خەلكێ مە یێ خۆشتڤی دگەل مالا بارزان و پارتی ئێكرێز بن داكو بهێزبن و كەرامەت و شەرەفا مە هەموویان یا پاراستی بیت. چەند پارتی دیمۆكراتی كوردستان ب هێزبیت دێ هەرێما كوردستانێ یا ب هێز و پاراستیتر بیت.
ژێدەر : بەشەك ژ نموونەیان ڤەگۆهاستیە
ژ پەرتوكا ئیسلاما سیاسی .
