ئـەڤـە خـابوورێ مە بیت و ئـەڤـە مـالێن مـەبن، نەشـێن فـڕەك ئـاڤ و پـاریـەكـێ نـانـی بخۆیـن
رەمەزان دەشتمری
پێشمەرگەیێن قەهرەمان حسێن محەمەد شەهباز گۆت: دەمێ سپێدەهیا ڕۆژا 1988/8/25ی چەكێ كیمیاوی ل دەڤەرێ ڕەشاندین كو جاب ل دەڤەرێ بەلاڤەبوو كو (14) پێشمەرگە ل گوندێ تویكا شەهیدبووینە. قێڕێن و قلێزین كەفتە دەڤەرێ. ل وی دەمی مالێن مە ل بەر لیڤا خابیری بین د ناڤبەرا گوندێ باجلێ و خرخەبكا دا. ل دانێ ئێڤاری خەلكێ دەست ب باركرنێ كر و هەمی ڕێك ل بەر خەلكێ بەرزەبوون. مە بەرێ خوەدا بوو گوندێ غولدیا و پاشی بۆ گوندێ گركا بەرواریان. مە نەشیا ل جادا گشتی دەربازببن. پاشی ئەم پاشدا زڤڕین ل ڕۆژا سێی ل بەرێ سپێدێ گەهشتینە گەلیێ دیهێ و حوكمەتا ئیراقێ هاتە د گەلی دا. ل گەلیێ دیهێ عەرز و عیالێ مە تەسلیمی حوكمەتێ بوو و ئەم پێنج زەلام ب زەگوردی مە خوە هلدا بۆ چیایێ مەتینی و چووین د شكەفتەكێ ڤە ل هنداڤی گوندێ پاسێ. هەتا دونیا ل مە بوو مەغرەب؛ مە گۆت دێ چینە گوندێ پاسێ بۆ خوە هندەك نانی پەیدا بكین. دەمێ گەهشتینە تەنشتا گوندێ پاسێ، مە جماعەتێن ئوسمانێ خالدی دیتن. ل وێ شەڤێ مە هندەك گەنجەلێن نانی پەیداكرن و جارەكا دیتر مە خوە دا چیایێ مەتینی. ل ڕۆژا پاشتر حوكمەتێ گوندێن دەڤەرێ هەمی سۆتن. مە ژی بریاردا بچن بۆ ملێ توركا. بوو ئێڤاری ب شەڤێ مە ژ گوندێ پاسێ دا رێكێ بەرخابیر و بەرخابیر هاتین ل سپێدێ گەهشتینە چەمێ مانكێ د ناڤبەرا گوندێ گوند كۆسە و گوندێ باجلێ دا. هەر دو كەس ژ مە چوونە دبن قاچەكێ ڤە. ئەم ماین د ڤی حالی دا ل ڕەخەكێ ستی دچوونە د تەنشتێن مەڕا و ل ملەكێ تێهنی و برسی و ل ملەكێ تیرۆژكێن حەتاڤێ ل تەنشتێن مە ددان. ئەم ماین د وی حالی دا حەتا پشتی نێڤرۆ مە بەرێ خوەدایێ دو پیكەمێن تژی چەتا هاتن بۆ بەر لێڤا خابیری ل ملێ چەمێ سپیندارۆكێ. ڕومانە و قونبەلە هاڤێتن ماسیا. حسێنی گۆت من گۆتە لەزگینی. بەڕێ خوە بدە ڤان چەتا یێ تەلقا و قونبەلا ددەیننە ماسیان و یێن ماسیان دبرێژن. وەرە ئەڤە خابیرێ مەبت و یێن هەنێ مالێن مەبن ئەم نەشێن بچن ناڤ مالێن خوە پاریەك نانی بخوین و فڕەكا ئاڤێ ڤەخۆین. و ئەم وەكی توریا دبن ڤان قاچا و دەحلا ڤەبن و ئەڤەیە دێ دبێژن: مالا ل مالخوێ حەرامكری. ڤێجا برا وەستیان و ڕەزالەت ئەنفال و گرتن و بەحرك و جەژنیكان و ترس و سەهم بەهرا مە و زاڕۆكێن مەبن. خوەشی و پلە و پۆست ژی و تەقیم و هەیی و نەیی ژی د دەستێ هندەكێن دیتر دابیت.
