ئنگلته‌را و ئه‌لمانیا دیدارا شه‌ڕی بۆ سه‌رێ لیستێ
ئه‌ڤرۆ،
چاڤه‌ڕێ دهێته كرن ئه‌ڤرۆ ل ده‌مژمێر 9:45 شه‌ڤ ل چه‌ند ژ وه‌لاتێن جودا یێن ئۆرۆپا 12 یاری ژ چارچووڤێ گه‌ڕا چارێ و قۆناغا دویێ یا سیسته‌مێ كۆمان ژ هه‌ڤڕكیێن خولا نه‌ته‌وه‌یێن ئۆرۆپا یا ته‌پا پێی بهێته ئه‌نجامدان، گرنگترین یاریێن ئه‌ڤ شه‌ڤه یێن كۆما a3یه ده‌مێ هه‌لبژارتیێ ئه‌لمانیا ل یاریگه‌ها برۆسیا پارك یا باژێرێ مۆنشنگلادباخ مێڤانداریا هه‌لبژارتیێ ئیتالیا دكه‌ت.
هه‌لبژارتیێ ئیتالیا ب پێنچ خالان سه‌رێ لیستێ دهێت و ئه‌لمانیا ب سێ خالان رێزا سێیێ دهێت، تیما مێڤان ب سه‌ركێشیا راهێنه‌ر رۆبێرتۆ مانشینی دێ بزاڤێ بۆ سێ خالێن یاریێ كه‌ت ژبۆ پاراستنا سه‌رێ لیستێ و مسۆگه‌ركرنا پلێتا ده‌ربازبوون بۆ قۆناغا دووڤدا، هه‌مبه‌ری وان هه‌لبژارتیێ ئه‌لمانیا ژلایێ جه‌ماوه‌رێ خوه ڤه داخوازكریه بۆ ڤه‌گه‌ڕاندنا هێزا مانشافت و ده‌ستڤه ئینانا خالێن یاریێ و هه‌ڤڕكی بۆ سه‌رێ لیستا كۆمێ بكه‌ت،د یاریا ئێكێ دا هه‌ردو هه‌لبژارتی ل ئیتالیایێ ب گۆله‌كێ وه‌كهه‌ڤبوون.
ژ یاریێن دی یێن ئه‌ڤرۆ، كۆما a3 ئنگلیز خودانا رێزا چارێ ب دو خالان مێڤانداریا هنگاریا كه‌ت ئه‌وا ل رێزا دویێ دهێت ب چار خالان، ژ كۆما a4 هۆله‌ندا خودانا سه‌رێ لیستێ ب حه‌فت خالان مێڤانداریا وێلز كه‌ت ئه‌وا ب خاله‌كێ رێزا دووماهیێ دهێت،به‌لجیكا دێ بیته مێڤانا پۆله‌ندا، ژ كۆما B1 ئه‌رمینیا- ئسكۆتله‌ندا، ئۆكراین- ئیرله‌ندا، كۆما D1 مۆلدۆڤیا- ئه‌ندۆرا، لیشتشتاین- لاتیڤیا، كۆما B3 بۆسنه‌و هێرسك- فنله‌ندا، رۆمانیا- مۆنتێنێگرۆ، كۆما C1 لۆكسێمبۆرگ – جزیرتێن فارۆ، توركیا- لێتوانیا.
