ئه‌ردۆغان: سیسته‌مێ هه‌لبژارتنان ل توركیا دێ هێته گوهۆڕین
ئه‌ڤرۆ:
ره‌جه‌ب ته‌یب ئه‌ردۆغانێ سه‌رۆك كۆمارێ توركیا راگه‌هاند كو ژ بۆ هه‌لبژارتنێن داهاتی ل توركیا دێ قانوونا هه‌لبژارتنان هێته گوهۆرین و به‌ندێ ١٠% یێ هه‌لبژارتنان دێ بۆ ٧% هێته كێمكرن دا چو ئاسته‌نگی ل هه‌مبه‌ر پشكداریا هێزێن سیاسی ل توركیا نه‌مینیت.
سه‌رۆكێ كۆمارێ توركیا ئه‌و یه‌ك ژی دیار كر كو وان دڤێت گه‌له‌ك گوهۆرینێن دی د دستووری دا بكه‌ن لێ مخابن هێزێن ئۆپۆزسیۆنێ تنێ بۆ به‌رژه‌وه‌ندیێن خوه كار دكه‌ن و هه‌تا نها ژی نێرینێن خوه ل دۆر دستووری دیار نه‌كرینه.
ل ئالیێ دی كه‌مال كچلدار ئوغلۆ سه‌رۆكێ گشتی یێ پارتا كۆماریا گه‌ل ژی راگه‌هاند كو ئه‌ردۆغانی توركیا تووشی قه‌یرانه‌كا مه‌زن كریه و دخوازیت ب رێیا هنده‌ك گوهۆرینان ژیێ ده‌ستهه‌لاتا خوه درێژ بكه‌ت، لێ گه‌لێ توركیا د هه‌لبژارتنێن داهاتی دا دێ ب توندی به‌رسڤا ئه‌ردۆغانی و ده‌ستهه‌لاتا وی ده‌ن.
