ئه‌ردۆگان داخوازيه‌كێ ژ پشته‌ڤانێن جه‌هه‌پێ دكه‌ت
ئه‌ڤرۆ نيوز، فاتما مزوورى:
سه‌رۆك كۆمارێ توركيا ره‌جه‌ب ته‌یب ئە‌ردۆگان دبێژيت لیستا هه‌ده‌پێ یا په‌رله‌مانێ توركيا ژ هێلا په‌كه‌كێ ڤه هاتیه دروستكرن و ب رێیا جه‌هه‌پێ ژی هاتنه هه‌لبژارتن. ئە‌ردۆگان بانگ ل ئالیگرێن جه‌هه‌پێ كر كو ژ پارتیا خوه بپرسن.
سه‌رۆك كۆمارێ توركيا ره‌جه‌ب ته‌یب ئە‌ردۆگان گۆت: “كه‌سێن سلاڤ نه‌دكرنه هه‌ڤدۆ، هه‌مبه‌ری مه د هلبژارتنێن 24ێ خزیرانێ دا بوون ئێك بوونه ئه‌گه‌ر جه‌هه‌په بۆ ده‌ربازكرنا به‌ندێ هه‌لبژارتنان بانگ ل ده‌نگده‌رێن خوه كر كو ده‌نگێن خوه بده‌نه هه‌ده‌پێ”.
زێده‌تر گۆت: “ژ خوه د هه‌لبژارتنێن 1991ێ دا ژی سه‌ر ل رێیه‌كه وه‌سا دابوون. وێ ده‌مێ كه‌سێن بن كارتێكرنا په‌كه‌كێ بوونه په‌رله‌مانتار، ئه‌ڤرۆ ژی ب رێیا جه‌هه‌پێ، ناڤێن كو ژ هێلا په‌كه‌كێ ڤه هاتنه ده‌ستنیشانكرن، د په‌رله‌مانى دا وه‌كو په‌رله‌مانتار دێ جهێن خوه گرن، ئە‌ز بانگ ل ئالیگرێن جه‌هه‌پێ دكه‌م كو ژ رێڤه‌به‌ریا پارتیا خوه بپرسن”.
