ئه‌رشه‌د زاخۆیی دێ سالانێن به‌رێ قه‌ره‌بوو كه‌ت
هه‌رهین:
هونه‌رمه‌ند ئه‌رشه‌د زاخۆیی د دیداركێ دا بۆ به‌رپه‌رێ هونه‌ری یێ رۆژنامه‌یا ئه‌ڤرۆ گۆت: به‌ری چه‌ند سالان من ئاماده‌كاری بۆ ئه‌لبوومه‌كا ده‌ه تراكی كربوون كو ژ په‌یڤێن هه‌لبه‌ستڤان وه‌كوجه‌گه‌رخۆین، شه‌هید مه‌حمود هالو، سه‌لمان شێخ مه‌می، ره‌حمه‌تی خالس خه‌لیل، خالد سلێڤانه‌ی، عه‌لی سه‌لیم زێباری و هه‌لبه‌سته‌ك یا من بخوه‌یه ژی و دئه‌لبوومێن من یێن بوری دا هه‌موو ستران ژئاوازێن من بووینه و ئه‌ڤ جاره دێ یا جودابیت و بۆ ئه‌ڤی به‌رهه‌می ژی نوبه‌دار ئیبراهیم مۆزیكا وێ دناڤبه‌را كوردستانێ و توركیا دا چێدكه‌ت و من لبه‌ره هه‌ر ده‌مه‌كی دوو سترانا ژێ به‌لاڤه‌كه‌م وه‌كو تراك و پشتی ئه‌ڤی كاری ژی من ئاما ده‌كاریێن ئه‌لبومه‌كا دیژی كرینه كو ژ بیست و پێنچ تراكان، به‌لێ ئه‌ڤ ئه‌لبومه دێ وه‌كو روینشتن هێته توماركرن ل ستودیویێ .
زێده‌ترژی گۆت: به‌ری نوكه ده‌می َكاسێت و سیدیان بۆ سالێ من سێ ئه‌لبوم به‌لاڤدكرن و نوكه ژی من لبه‌ره ئه‌و سالێن من ئه‌لبووم تێدا به‌لاڤ نه‌كرین قه‌ره‌بووكه‌م و ئه‌لبومه چێكه‌م و به‌لاڤ بكه‌م و هه‌روه‌سا دێ گه‌له‌ك سترانێن خوه یێن كه‌ڤن من گۆتین نوی بكه‌م ب ته‌كنیك و كوالتیه‌كا نوی بكه‌مه ئه‌لبووم و من ناڤێ وێ ژی كریه بیرهاتن وه‌كو سترانا من نامه‌یه‌ك نڤیسی و
جیرانی هه‌لا هه‌لا و شیلان دلدارێ و ته ئه‌ڤینی نیشامن دا و جانا به‌رواری و زه‌رێت گوندێ مه جوانن و زاخۆكا من ما ڤالا و ده‌مێ گوه لێ دبم كه‌سه‌ك سترانێن من دبێژیت كه‌یفا من گه‌له‌ك دهێت و هه‌ركه‌سه‌كێ بڤێت دشێت سترانێن من ب بێژت و ده‌مێ ستران به‌لاڤ دبیت و دبیته ترێند رامان ژێ ئه‌وه ئه‌و سترانه یا سه‌ركه‌فتی یه له‌ورا هاته نویكرن و گۆتن.
