ئه‌رێ ڤه‌خوارنا ئاڤێ دگه‌ل خوارنێ باشه؟
ئه‌ڤرۆ، به‌رپه‌رێ ساخله‌میێ:
هنده‌ك دبێژن ڤه‌خۆارنا ئاڤێ ل ده‌مێ نان خۆارنێ مڤا هه‌یه و هنده‌ك ژی به‌روڤاژی هزر دكه‌ن كو زیان هه‌یه ومه‌ترسیه لسه‌ر ساخله‌میێ، دڤی باره‌ی دا ” له‌شكر حه‌مید “، ئه‌ندازیارێ خۆارنێ هنده‌ك راستیا ئاشكرا دكه‌ت.
له‌شكر حه‌مید دیاركر: ڤه‌خوارنا ئاڤێ مفایه‌كێ زۆر هه‌یه بۆ ساخله‌میا مرۆڤی، به‌لێ ل ده‌مێ نان خوارنێ به‌رۆڤاژی ڤێ چه‌ندێ یه و زیان هه‌یه بۆ كریارا هه‌رسكرنێ و قولونێ، وه‌كی ده‌ردانا ئاڤا زراڤی و مه‌عیده‌ی وی ده‌می خوارن باش ناهێته هه‌رس كرن.
ئه‌ندازیارێ خۆارنێ گوت ژی: دناڤا ده‌ڤی دا ئه‌نزیمه‌كێ ده‌رده‌ت كو هاریكاره بۆ پروسه‌یا هه‌رسكرنێ، مه‌عیده‌ی ترشیه‌ك تێدایه كو هاریكاره بۆ ژناڤبرنا به‌كتریایێن زیانبه‌خش و هاریكاره بۆ كریارا هه‌رسكرنێ بۆهویركرنا خۆارنێ دا كو بباشی هه‌رس بكه‌ت و پێش بهێته هنارتن بۆ ریڤیكا.
ئه‌و ژی گوت: ڤه‌خۆارنا ئاڤێ ل ده‌مێ خۆارنێ دا كارتێكرن لسه‌ر ئه‌نیزمه‌كێ دكه‌ت دناڤ ده‌ڤی دا و هه‌روه‌سا دناڤ مه‌عیده‌یدا چالاكیا ترشەلوكا كێم دكه‌ت بۆ ژناڤبرنا به‌كتریایێن زیانبه‌خش و هویركرنا خۆارنێ، دئه‌نجام دا خۆارن باش هه‌رس و هویر نابیت و زیان مه‌زن گه‌هینیته له‌شی.
ل دووماهیێ ژی گوت: له‌ورا پێدڤیه 30 خۆله‌كا به‌ری نان خۆارنێ ئاڤێ ڤه‌خۆی و 30 خۆله‌كێن دی پشتی نان خۆارنێ ئاڤێ ڤه‌خۆی.
